Ábyrg spilamennska á PokerStars

Stefnuyfirlýsing

PokerStars er umhugað um ábyrga spilamennsku og að allir spilarar okkar njóti ánægjulegrar, ábyrgrar og jákvæðrar spilamennsku. Flestir pókerspilarar spila sér til ánægju og skemmtunar en við vitum að örlítið hlutfall spilara mun:

1. Reyna að spila þó að þeir séu undir lögaldri, eða
2. Láta póker ná valdi á sér og hafa áhrif á líf sitt.

Starfsfólk PokerStars er reiðubúið að aðstoða og vernda þá sem ættu alls ekki að spila póker eða vilja draga úr spilamennsku sinni.

Staðfesting á aldri

Hver sá spilari undir lögaldri sem hefur gefið óheiðarlegar eða rangar upplýsingar um aldur sinn fær alla vinninga sína ógilta og getur átt á hættu lögsókn fyrir glæpsamlegt athæfi. Skaði sem spilari undir lögaldri verður fyrir mun undir engum kringumstæðum verða bættur.

Það sem við gerum

Hver sá einstaklingur sem skráir sig fyrir nýjum reikningi á PokerStars verður að haka í reit sem tilgreinir að hann sé að minnsta kosti 18 ára gamall. Þetta segir öllum að við samþykkjum ekki spilara undir 18 ára aldri.
Þegar spilari stofnar reikning hjá PokerStars tökum við niður nafn hans, heimilisfang og fæðingardag til staðfestingar því að hann sé að minnsta kosti 18 ára gamall.
PokerStars beinir ekki markaðsefni eða auglýsingum að spilurum undir lögaldri. Það eru hvorki góðir viðskiptahættir né samræmist það gildum okkar sjálfra eða fyrirtækisins að laða að spilara undir lögaldri.

Það sem þú getur gert

Gættu þess að verja tölvuna þína. Hægt er að setja allar Windows-tölvur upp með aðgangsorðastýringu þannig að aðgangsorðs sé krafist til að komast inn í tölvuna. Almennt er þetta góð venja en hún er jafnvel enn mikilvægari ef á heimilinu eru börn eða unglingar. Gættu þess einnig að halda PokerStars-skjánafni þínu og aðgangsorði leyndu. Þú getur valið að láta PokerStars-hugbúnaðinn „gleyma“ aðgangsorðinu í hvert sinn sem þú skráir þig inn á PokerStars. Ef þú hefur minnsta grun um að einhver annar gæti reynt að komast inn á PokerStars-reikninginn þinn skaltu ekki leyfa PokerStars-hugbúnaðinum að muna aðgangsorð þitt.
Ef börn eða unglingar eru á heimili þínu skaltu nota varnarhugbúnað sem gerir þér kleift að takmarka það að hvaða vefsvæðum þau hafa aðgang, hindra samnýtingu skráa og yfirleitt stjórna því nákvæmlega hvernig börn þín nota internetið. Hér eru dæmi um slík forrit:

• SafeKids
• NetNanny
Ef þú veist af einhverjum ólögráða sem notar PokerStars-hugbúnað láttu okkur þá vita. Sendu okkur tölvupóst á support@pokerstars.com og við göngum strax í málið. Fyrsta skref okkar er að kanna, og ef ástæða er til, frysta reikning spilarans og krefjast skilríkja af honum; við tökum þessar tilkynningar mjög alvarlega.
Vertu ábyrgt foreldri. Að mörgu leyti felst það ekki í öðru en að hafa augu og eyru opin. Ef þú heyrir börn þín tala um pókerreikninga, inneignir og úttektir skaltu spyrjast fyrir. Ef þú sérð PokerStars-biðlarann á tölvu barnsins þíns skaltu fjarlægja hann og spyrja fleiri spurninga. Ábyrgt foreldri er besta vörnin gegn spilun ólögráða unglinga.

Sjálfsútilokun

Ef þú heldur að póker gæti frekar verið hindrun í lífi þínu en form skemmtunar viljum við hjá PokerStars hjálpa þér. Við biðjum þig fyrst að svara eftirfarandi spurningum:

1. Hefur þú einhvern tíma misst úr vinnu eða skóla vegna pókerspils?
2. Hefur pókerspil orðið til þess að þú hafir vanrækt velferð þína eða fjölskyldu þinnar?
3. Hefur þú einhvern tíma selt eitthvað eða fengið lánaða peninga til að fjármagna spilamennsku þína?
4. Hefur þú oft spilað þar til þú hefur klárað allan pening sem þú áttir?
5. Hefur þú einhvern tíma spilað lengur en þú ætlaðir þér?
6. Hefur þú einhvern tíma íhugað að skaða sjálfa/n þig eða fyrirfara þér vegna spilamennskunnar?

Ef þú hefur svarað nokkrum þessara spurninga með „já“ hvetjum við þig til að fara á Gamblers Anonymous. eða á íslenska heimasíðu um ábyrga spilun. Við gefum þér einnig þann möguleika að útiloka þig frá spilamennsku á PokerStars í einhvern tíma. Þetta gerir þú með því að fara í „aðalanddyri“ PokerStars-hugbúnaðarins, velja „Requests“ (beiðnir), „Responsible Gaming“ (ábyrg spilamennska) og „Exclude me from playing“ (útiloka mig frá spilun).
Hafa skal í huga að allar sjálfsútilokanir og tímalokanir eru óafturkræfar í þann tíma sem tiltekinn er.

Við bjóðum upp á 12 og 24 stunda kælitíma, sem og 7 daga, 30 daga, 60 daga og 120 daga tímalokanir. Þú munt ekki geta spilað peningaleiki eða tekið þátt í litlum eða stórum mótum á PokerStars og PokerStars.net. Um leið og þú hefur smellt á hnappinn sem biður um tíma- eða sjálfsútilokunartímabil ert þú beðin/n um að loka öllum borðum sem þú ert að spila á. Um leið og þú hefur gert það hefst sjálfsútilokunartímabilið. Þú skráist sjálfkrafa út úr öllum mótum sem byrja á sjálfsútilokunartímabilinu. Þú getur ekki lagt inn eða framkvæmt millifærslur innan reiknings með PokerStars-reikningnum þínum. Þú færð ekki heldur neinn markaðspóst eða fréttabréf frá PokerStars.
6-mánaða sjálfsútilokun. Þetta er eins og önnur tímalokun, nema að þú verður beðin/n að taka út alla raunverulega peninga af PokerStars-reikningnum þínum. Þess að auki muntu ekki verða gerður aftur virkur sjálfkrafa. Ef þú vilt snúa aftur að borðunum á PokerStars þá getur þú sent tölvupóst á support@pokerstars.com hvenær sem er eftir að sjálfsútilokunartímabilinu lýkur, til þess að gera þig virkan aftur

Þú gætir einnig viljað skoða GamBlock, hugbúnað sem takmarkar aðgang tölvu að netleikjasvæðum.

Hvernig spila á vefpóker á ábyrgan hátt

Ef þú kýst að spila netpóker eru hér nokkrar lífsreglur sem geta hjálpað þér að gera spilamennskuna öruggari og draga úr hættunni á því að vandamál komi upp:

Spilaðu þér til skemmtunar en ekki til að græða peninga.
Spilaðu fyrir peninga sem þú mátt við að tapa. Notaðu aldrei peninga sem þú þarft á að halda fyrir mikilvæga hluti eins og mat, leigu, reikninga eða skólagjöld.
Veldu innleggsmörk. Notaðu innleggsmarkaaðgerð okkar sem er í gjaldkeraglugganum. Leggðu aldrei meira inn en þú mátt við að tapa.
Reyndu aldrei að vinna upp tap. Ef þú tapar peningum skaltu ekki leggja meira undir til að reyna að vinna upp tapið.
Ekki spila póker þegar þú ert æst/ur, þreytt/ur eða í döpru skapi. Það er erfitt að taka skynsamlegar ákvarðanir þegar maður er langt niðri.
Stundaðu fleiri skemmtanir en pókerinn. Finndu þér ýmsa aðra afþreyingu svo að pókerinn verði ekki of stór þáttur í lífi þínu.

Ef þú þarft ráðleggingar um ábyrga spilamennsku eða hjálp við að ná stjórn á henni skaltu fara á þessi vefsvæði:

Settu takmörk á peningainnlegg

PokerStars telur að spilarar eigi sjálfir að fá að stjórna því hvaða fjárhæðum þeir verja til þess að spila netpóker. Við leyfum þér að takmarka vikulegt innlegg þitt í raunverulegum peningum. Auðvitað mega þessi mörk ekki vera hærri en þau sem þegar eru á reikningnum þínum. Þú ferð bara í „anddyrið“ í gjaldkera og smellir á “Takmarka innlegg”.

Takmarkanir á borðum og í mót

Með því að setja hámörk á borð og í mót og hvað lagt er undir geta einstakir spilarar stjórnað eyðslu sinni með því að hindra sig í að spila yfir ákveðnu borðhámarki sem og að takmarka skráningargjöld í mót. Farðu í anddyrið, veldu síðan „Requests“ (beiðnir) í efsta valseðlinum. Farðu þar undir í „Responsible Gaming“ (ábyrg spilamennska) og smellir á „Restrict Table-Limit“ eða „Restrict Tournament Limit“ (setja borðhámark eða mótshámark).

Worried about excessive play? Click here for help.

Athugið að sumir tenglarnir á þessu svæði opna ensku útgáfuna af PokerStars
í nýjum glugga.