2-7 (Tvistur til sjöa) Triple Draw
2-7 (e. Deuce to Seven Triple Draw) er pókerleikur þar sem lægsta pókerhöndin vinnur pottinn á hólminum (e. showdown). Það þýðir m.ö.o. að þetta er „lowball“ leikur. Þetta er líka drag-leikur (e. draw) sem þýðir að þú færð gefin fimm spil á grúfu og mátt svo henda núll til fimm af þeim þegar það á að draga og fá önnur, jafnmörg og þú hentir, í staðinn. Í Triple-draw, þá fær hver spilari tækifæri á að draga þrisvar, en hann má þó standa (e. stand pat, s.s. henda engu) í hvert skipti sem dragið skal ef hann vill.
Í 2-7 vinna raðir og litur á móti lágu höndinni þinni og ásar eru alltaf hæstu spil. Besta mögulega höndin er því : 7, 5, 4, 3, 2. Eftirfarandi 2-7 höndum (ekki tæmandi listi) er raðað hér frá þeirri veikustu (#1, sem vinnur sjaldnast pott) til þeirrar sterkustu (#16, rærnar -e. the nuts):
- J, 7, 4, 3, 2 (allt í sömu sort - litur)
- 8, 7, 6, 5, 4 (röð)
- 7, 6, 5, 4, 3 (lægri röð)
- 5, 5, 5, 6, 3
- 2, 2, 7, 6, 5
- A, 9, 6, 4, 2
- A, 8, 7, 4, 2
- A, 5, 4, 3, 2 (ekki röð – ásinn hæstur)
- K, J, 8, 7, 4
- T, 7, 5, 4, 3
- T, 6, 5, 4, 3
- T, 6, 5, 4, 2
- 9, 7, 6, 4, 3
- 8, 6, 4, 3, 2
- 7, 6, 4, 3, 2
- 7, 5, 4, 3, 2
Reglur í 2-7 Þrídregið
Drag-leikir eru spilaðir með blindfé, alveg eins og og flopp-leikir. Hver spilari fær gefin fimm spil á grúfu, eða holuspil svokölluð. Sá sem situr fyrstur á eftir stóra-blind getur valið að pakka (e. fold), kalla/sjá að jöfnu (e. call), eða að hækka (e. raise). Sögnin heldur svo áfram réttsælis um pókerborðið þar til boðum er lokið í þeirri lotu.
Þegar fyrstu boðlotunni (e. betting-round) er lokið er dregið. Það þýðir að hver leikmaður velur hvaða spilum (ef einhver eru) hann vill henda, með því að smella á þau. Ef þú smellir aftur á spil sem þú hefur valið að henda þá afvelur þú það. Spilum er hent í röð réttsælis um borðið. Þegar komið er að þér að henda spilum þá þarftu að smella á hnapp til að staðfesta að þú ætlir að henda þeim spilum sem þú valdir.
Eftir að hefur verið dregið þá hefst önnur boðlota, sem hefst á fyrsta spilara sem enn er með vinstra megin við gjafarahnappinn.
Það er svo dregið tvisvar enn og fylgir svo boðlota strax á eftir sem þýðir að í heildina er dregið þrisvar og að fjórar lotur eru af boðum. Atburðaröðin er því svona í spilinu:
- Hver spilari fær fimm spil
- Boðlota #1, hún hefst á þeim sem situr á vinstri hönd stóra-blinds
- Drag #1
- Boðlota #2, hefst hjá þeim sem er til vinstri við hnappinn
- Drag #2
- Boðlota #3, hefst hjá þeim sem er til vinstri við hnappinn
- Drag #3
- Boðlota #4, hefst hjá þeim sem er til vinstri við hnappinn
- Hólmurinn (e. showdown- ef það þarf)
Í drag-leikjum getur það komið fyrir að það þurfi fleiri spil en eftir eru í stokknum. Ef það gerist þá er öllum spilunum safnað saman (þeim sem hefur verið hent og restinni af stokknum) og þau stokkuð aftur og leikurinn heldur áfram með hinum nýja stokki. Fyrir frekari upplýsingar um endurstokkun í drag-leikjum þá bendum við á síðuna okkar Reshuffling the Deck.
Hólmurinn – Skorið úr um sigurvegarann
Spilarinn sem myndað getur bestu fimm spila 2-7 höndina vinnur pottinn. Eftir að potturinn hefur verið veittur þeim er hafði bestu höndina, þá má næsti leikur af 2-7 Þrídregið hefjast.
Ef tveir eða fleiri eru með jafna hönd þá skiptist potturinn jafnt á milli þeirra. Spilasortir raðast ekki í neina styrkleikaröð og geta því ekki úrskurðað um sigurvegara. Vinsamlegast athugið að þessi leikur er ólíkur öðrum tegundum af high/low póker, þar sem ás getur verið bæði hæsta eða lægsta spil. Í 2-7 þá er ásinn alltaf hæsta spil. Þér er líka alltaf velkomið að prófa að spila á ókeypis pókerborðunum okkar hér á PokerStars ef þú vilt skerpa pókerhæfileikana áður en þú reynir þig á borðunum fyrir peningapóker.
