Omaha Hi/Lo Poker
Vegna þess að stórir pottar eru mjög tíðir í leiknum þá hefur spilið Omaha Hi/Lo (líka þekkt sem Omaha High Low, Omaha H/L, Omaha/8 eða Omaha 8-or-better) notið gríðarlegra og ört vaxandi vinsælda um allan heim. Hver leikmaður fær gefin fjögur spil frá gjafara, svokölluð holuspil, og eru það spil sem hann einn á að sjá. Fimm sameignarspil (community-cards) eru svo gefin í borð sem allir sjá. Hver leikmaður notast svo við einungis tvö af sínum fjórum spilum, saman með aðeins þremur af sameignarspilunum, til að mynda sem sterkasta fimm spila pókerhönd. Potturinn skiptist svo á milli þess sem hefur bestu almennu pókerhöndina (Hi) og þess með lægstu höndina (Lo) og þaðan kemur nafnið. Þeim sem ekki þekkja alveg til leiksins bendum við á að skoða síðuna pókerhendur til þess að kynna sér styrkleikaröð pókerhanda í Omaha Hi/Lo til fullnustu.
Omaha Hi/Lo er spilaður þannig að „8-eða-betra“ reglan gildir til þess að höndin sé gild til að keppa um lágspilapottinn. Þetta þýðir að hönd þarf að raðast hið minnsta frá 8-7-6-5-4 lágum til að vera með. Lágspilahendur í Omaha Hi/Lo styrkleikaraðast á sama hátt og hendur í 7 spila Stud Hi/Lo , fyrir þá sem þekkja til þess spils.
Útfærslur á ýmsum Omaha Hi/Lo leikgerðum
Omaha Hi/Lo er hægt að spila í eftirfarandi útfærslum:
- Takmarks Omaha Hi/Lo – Í gildi eru ákveðin takmörk á boð í pottinn, bæði á heildarupphæð sem og í hverri boðlotu fyrir sig.
- Pott-takmarks Omaha Hi/Lo – Boð takmarkast við heildarupphæðina sem þegar er í pottinum.
- Án-takmarks Omaha Hi/Lo – Leikmanni er frjálst að bjóða alla þá spilapeninga sem hann á.
- Blandað Omaha Hi/Lo – Leikurinn skiptist reglulega á milli lota í „Limit“-takmörk á heildarboð, og „Pot-Limit“ –Pott-takmörk á boð miðað við stærðina á pottinum þá stundina. Blindir eru hækkaðir þegar leikurinn skiptist á milli afbrigðanna Takmark og Pott-takmark til að tryggja það að upphæðir sem spilað er um í bitum (e.“stake“) séu í stöðugu samhengi út allan leikinn.
Leikreglur sem gilda í Omaha Hi/Lo
Þegar spilaður er Omaha Hi/Lo póker er notast við hnapp, svokallaðan gjafarahnapp, stundum kallaður „hnappurinn“ eða „takkinn“ af leikmönnum. Hnappurinn gefur til kynna hver leikmanna er í sæti „gjafarans“ í hverri hönd. Áður en höndin er spiluð þarf leikmaður réttsælis við „gjafarann“, þann er hefur hnappinn, að leggja út svokallaðann „litla-blindan“, sem er fyrsta skylduboðið í höndina. Sá leikmaður er situr réttsælis við litla-blind kallast þá „stóri-blindur“ og skal hann leggja út það sem kallast lágmarksboð í höndina þegar spilun hefst. Boð stóra-blinds er yfirleitt tvöföld upphæð þess er litli-blindur lagði út. Upphæðir sem blindir þurfa að leggja út geta svo verið mismundandi eftir hvað er lagt undir í leiknum sjálfum og hvernig uppbyggingarferli boðanna var ákvarðað fyrir leikinn.
Í leikjum með takmarki á boð, „Limit“ leiki svokallaða, er stóri-blindur yfirleitt jafnhár lágmarksboði og litli-blindur er þá hálf upphæð stóra-blinds, en það getur samt verið misjafnt, allt eftir því hversu mikið er undir í leiknum. Til dæmis í leik sem hefur Takmark $2/$4 þá er litli-blindur $1 og stóri-blindur$2. Í leik með hærra takmark, t.d. $15/$30-Takmark er litli-blindur svo $10 og stóri-blindur er $15.
Í svokölluðum „Pott-takmarks“ leikjum og leikjum „Án-takmarks“ (e. Pot-Limit, No-Limit) vísar nafnið á leiknum til upphæðarinnar á blindum (t.d. spilast $1/$2 Omaha Hi/Lo þannig að blindir leggja þá út $1 fyrir litla-blind og $2 fyrir stóra-blind).
Nú fær svo hver leikmaður holuspilin sín fjögur. Boðumferðin gengur réttsælis um borðið og hefst á þeim er „situr við byssuhlaupið“ (sá leikmaður sem er í sætinu réttsælis við stóra-blind).
Boðmöguleikar leikmanns
Í Omaha Hi/Lo, líkt og í öðrum pókerafbrigðum, getur leikmaður notað sagnirnar að „pakka“ (fold), „skoða“ (check), „bjóða“ (bet), „jafna“ (call) og „hækka“ (raise). Hvaða sagnir hann getur svo notað sérstaklega í hvert skipti ræðst af því hvað leikmenn sem hafa sagt á undan honum hafa gert. Allir leikmenn geta alltaf pakkað, það að gefa frá sér spilin og reyna ekki að vinna pottinn í þeirri hönd. Ef enginn leikmanna hefur komið með nýtt boð í pottinn er leikmanni heimilt að annaðhvort skoða (það að bjóða ekki þá þegar, en jafnframt að halda enn spilunum), eða hann getur boðið. Ef einhver leikmanna hefur boðið þá geta þeir sem segja á eftir honum pakkað, jafnað (jafnað það sem boðið hefur verið) eða hækkað (þá býður sá leikmaður enn hærri upphæð í pottinn en þegar hefur verið gert).
Forleikurinn (Pre-Flop)
Þegar leikmaður hefur skoðað holuspilin sín hefur hann tækifæri til að spila með því að jafna við stóra-blind, eða með því að hækka boðið (jafna stóra-blind að auknu lágmarksboði). Leikmaður á vinstri hlið stóra-blinds á ”opna” sögn, þ.e. hann getur pakkað, jafnað eða hækkað boð. Til dæmis, ef stóri-blindur er $2 þá kostar það $2 fyrir leikmanninn að jafna og $4 hið minnsta að að hækka boð. Sögnin gengur svo áfram réttsælis um borðið.
Athugið: Uppbygging boða er mismunandi á milli einstakra afbrigða og mismunandi pókerleikja. Útskýringar fyrir hvert pókerafbrigði og uppbyggingu boða (e. „betting-structure“) einsog fyrir Takmarks Hold’em, Án-takmarks Hold’em og Pott-takmarks Hold’em er hægt að nálgast hér að neðan.
Boðumferðin heldur svo áfram uns allir sem enn eru með (s.s. ekki þeir sem hafa pakkað) hafa jafnað það sem boðið hefur verið í pottinn.
Floppið (e. The Flop)
Eftir að fyrstu umferð boða er lokið leggur gjafarinn svokallað „flopp“ í borðið, spil sem allir sjá á. Floppið er fyrstu þrjú spil sameignarspilanna, spil sem allir leikmenn sem enn eru með geta notað sér í hag. Boðumferðin hefst á þeim leikmanni (sem enn er með) er situr fyrstur réttsælis við hnappinn. Í Omaha Hi/Lo eru öll boð á þessu stigi (á floppinu) í hlutföllum við lágmarksveðmálið (t.d. $2 í leik sem er $2/$4).
Fléttan (e. The Turn)
Þegar boðum er lokið eftir floppið, er fléttuspilið svokallaða gefið upp í borðið. Fléttan er fjórða sameignarspilið í Omaha Hi/Lo og hefst umferðin á því að fyrsti leikmaður, sem enn er með, réttsælis við hnappinn segi. Í Omaha Hi/Lo eru öll boð og hækkanir á þessu stigi leiksins í hlutfalli við upphæð stóra-blinds (t.d. $4 í $2/$4 leik).
Fljótið (e. The River)
Þegar boðum í fléttuspilsumferðinni er lokið er fljótið svokallaða gefið upp í borðið. Fljótið er fimmta og síðasta sameignarspil leikmanna í Omaha Hi/Lo. Boð hefjast hjá þeim leikmanni er situr fyrstur réttsælis við hnappinn.
Hólmurinn (e. The Showdown)
Ef fleiri en einn leikmaður eru enn með í leiknum, eftir að lokaumferð boða klárast, skal sá leikmaður er síðast býður eða hækkar sýna spil sín öðrum leikmönnum. Ef enginn hefur boðið eða hækkað í lokaumferð sagna þá skal sá leikmaður er fyrstur situr réttsælis við hnappinn sýna sín spil fyrst. Sá leikmaður sem myndað hefur sterkustu (High) fimm spila höndina tekur hálfan pottinn og leikmaðurinn með bestu lágu (Low) höndina tekur hinn helming pottsins. Í öllum afbrigðum Omaha skal leikmaður aðeins og einungis notast við tvö af holuspilunum sínum fjórum að viðlögðum aðeins og einungis þremur af sameignarspilunum fimm. Ef upp kemur sú staða að tveir leikmenn sýni sömu fimm spila höndina skal skipta þeim hluta pottsins sem þeir berjast um (háa eða lága) jafnt á milli leikmannanna. Ef enginn leikmanna hefur gilda lágspilahönd (þ.e. ef hún inniheldur ekki 8 eða hærra) skal sá/þeir með bestu pókerhöndina (High) hljóta allan pottinn.
Eftir að búið er að skipta pottinum eftir reglunum getur nýr Omaha Hi/Lo leikur hafist. Hnappurinn skal nú færast eitt sæti réttsælis til næsta leikmanns.
Takmarks, Pott-takmarks, Án-takmarks Omaha Hi/Lo
Reglur sem gilda um Omaha Hi/Lo eru þær sömu séu spilaðir Takmarks, Pott-takmarks og Án-takmarks leikir, með nokkrum undantekningum þó:
- Takmarks Omaha Hi/Lo
Boð í Takmarks Omaha Hi/Lo takmarkast á fyrirfram ákvarðaðan og uppbyggðan hátt. Áður en gefið er (e. pre-flop) og á floppinu eru öll boð og hækkanir takmörkuð við upphæð stóra-blinds. Á fléttunni og fljótinu tvöfaldast allar upphæðir boða og hækkana. Í Takmarks Omaha Hi/Lo eru hverjum leikmanni heimil allt að fjögur boð í hverri umferð sagna. Þar er meðtalið (1) boð, (2) hækkun, (3) endurhækkun og (4) þak e. „cap“, sem er lokahækkun.
- Pott-takmarks Omaha Hi/Lo
Lágmarksboð í Omaha Hi/Lo er jafnt upphæð stóra-blinds, en hámarksboð leikmanns takmarkast við að jafna upphæðina sem þegar er í pottinum.
Lágmarkshækkun: Upphæð hækkunarinnar þarf að vera að minnsta kosti jafnhá hverri fyrri hækkun eða boði í umferðinni. Til dæmis ef leikmaður býður $5 fyrst þá þarf sá næsti sem ætlar að hækka að hækka um boðið um að minnsta kosti $5 til viðbótar (samtals því $10 boðnir út).
Hámarkshækkun: Er stærðin á pottinum það skiptið, sem er skilgreindur sem allt sem þegar hefur verið lagt út í pottinn sem og allt það sem boðið hefur verið í yfirstandandi umferð en ekki hefur verið ýtt í pottinn og að auki sú upphæð sem sá sem er að segja skal jafna áður en hann hækkar boðið.
Tökum dæmi: Ef þegar eru $100 í pottinum og enginn hefur boðið eða hækkað áður en kemur að leikmanninum að segja, þá er hámarksupphæð sem leikmaður getur hækkað um $100. Eftir að hann hefur boðið $100 þá skal næsti leikmaður réttsælis segja. Sá leikmaður getur þá pakkað, jafnað $100, eða hækkað það sem hann vill, um hvaða upphæð sem honum sýnist sem fellur á milli lágmarksboðs ($100 í þessu tilviki) og hámarksboðs (sem er þá orðið $400, því hann þarf fyrst að jafna gilt boð í pottinn sem er $100 og er potturinn þá kominn í $300 og hækkunin þá $300 þar að auki, sem gerir $400 í heildina).
Í Pott-takmarks Omaha Hi/Lo er ekkert „þak“ á þeim fjölda hækkana sem eru heimilar leikmanni.
- Án-takmarks Omaha Hi/Lo
er leikmönnum heimilt að bjóða án annarra takmarkana, eins lágt eða hátt (þar með talið alla sína spilapeninga) og þeir vilja sjálfir.
Lágmarkshækkun: Í Án-takmarks Omaha Hi/Lo þarf hækkað boð að vera að minnsta kosti jafnt fyrra boði í sömu umferð. Til dæmis ef leikmaður hefur boðið $5 þá þarf næsti leikmaður að leggja að minnsta kosti $10 út til hækkunar (jafna $5 úr boðinu og hækka um sína $5).
Hámarkshækkun: Takmarkast einungis af staflanum þínum (allir þeir spilapeningar sem þú átt á borðinu).
Í Án-takmarks Omaha Hi/Lo er ekkert „þak“ á leyfðum fjölda hækkana í hverri umferð.
Í spilahugbúnaði PokerStars er ekki mögulegt að bjóða lægri upphæðir en lágmarksboð, né hærri en hámarksboð hverju sinni. Boðvogin (bet-slider) og boðhnappurinn gera þér einungis kleift að haga þínum boðum innan þeirra marka sem eru í gildi þá stundina og takmarkast sjálfkrafa af því hverju sinni.
Omaha Hi/Lo nýtur sívaxandi vinsælda og þá sérstaklega eftir að netspilun á poker varð jafn vinsæl og raun ber vitni. Þó að það geti tekið smátíma að læra almennilega þær reglur sem gilda um Omaha Hi/Lo þá er því ekki neitað að um gríðarskemmtilegt pókerafbrigði er að ræða sem heillað hefur marga leikmenn sem spilað hafa venjulegan Omaha póker hingað til, sem og þá sem spila Texas Hold’em reglulega. Þú getur vonandi jafnframt notið þeirra mörgu pókermóta sem eru í boði hjá okkur reglulega. Ef þú ert að leitast eftir almennum upplýsingum hvernig póker er spilaður þá hvetjum við þig til að skoða síðuna okkar um pókerreglur sem og síðuna um ýmsa orðalista og pókertiltæki (orðaskrá) sem tilheyra leiknum.
Athugið að sumir tenglarnir á þessu svæði opna ensku útgáfuna af PokerStars
í nýjum glugga.
