Pókerhandaröðun

Á PokerStars gefum við spil í mörg pókerafbrigði, sum hverra sem notast við ólíka styrkleikaröðun handanna.

Hold’em, Omaha, Seven Card Stud og Five Card Draw nota öll hefðbundna háspilaröðun, eða „high“ pókerröðun.

Omaha Hi/Lo, Razz og Stud Hi/Lo nota Ás-til-fimmu lágspilaröðun, eða „Ace to Five“ („California“) „low“ röðun á lághendur.

2-7 Single Draw og 2-7 Triple Draw nota svo Tvist-til-sjöu, eða „Deuce to Seven“ („Kansas City“) „lowball“ röðun á lágspilahöndum.

Að lokum þá er Badugi, en þar er notast við sérstakt röðunarkerfi sem bara er notað í þeim leik.

Hefðbundin háspilaröðun pókerhanda, „High“

Litaröð (e. Straight Flush): Fimm spil í númeraröð, í sömu sort.

Ef hendur eru jafnar: Hæsta spilið í númeraröðinni sigrar (litaröð sem nær hærri tölu).

Besta mögulega litaröðin sem hægt er að fá er kölluð konungleg litaröð (e. royal flush), en í henni eru ás, kóngur, drottning, gosi og tía, allt í sömu sort. Engin hönd getur unnið konunglega litaröð.

Ferna (e. Four of a Kind): Fjögur spil af sama númeri og svo eitt spil þar með sem kallast „kicker“.

Ef hendur eru jafnar: Hæsta fernan sigrar. Í spilum þar sem spilað er með sameignarspil (e. community cards) og spilarar hafa sömu fjögur spilin þá sker hæsta fimmta spilið (hæstur „kicker“) úr um sigurvegarann.

Fullt hús (e. Full House): Þrjú spil sömu gerðar og svo tvö eins, en annarrar gerðar.

Ef hendur eru jafnar: Hæstu þrjú eins spilin vinna pottinn. Í leikjum þar sem notuð eru sameignarspil (e.community cards), þar sem spilarar gætu haft sömu þrjú spilin eins, þá sigrar sá sem hefur hærra gildi á hinum tveimur-eins spilunum.

Litur (e. Flush): Fimm spil í sömu sort.

Ef hendur eru jafnar: Sá spilari sem heldur á hæsta spilinu sigrar. Ef þess þarf líka með, næst því næst-hæsta, svo því þriðja-hæsta, þá því fjórða hæsta, og svo því fimmta-hæsta, sem öll gæti þurft til að skera úr um sigurvegarann. Ef öll fimm spilin eru jafnhá þá þarf að skipta pottinum. Sort spilanna er aldrei notuð til að skera úr um sigurvegara, ef upp kemur jafntefli, í póker.

Röð (e. Straight): Fimm spil í númeraröð.

Ef hendur eru jafnar: Hæsta spilið í númeraröð vinnur (röð sem nær hærra).

Athugið: Ásinn má nota bæði sem efsta eða neðsta spil í númeraröð og er eina spilið sem má gera slíkt. A,K,D,G,T er hæsta (Ás-hæst) röðin; 5,4,3,2,A er lægsta mögulega (Fimm-hæst) röðin.

Þrenna (e: Three of a kind): Þrjú spil af sama númeri og svo, þar með, tvö önnur spil sem eru ekki eins.

Ef hendur eru jafnar: Hæst númeraða þrennan vinnur. Í leikjum þar sem notuð eru sameignarspil (e. community cards) og spilarar hafa sömu þrennuna, þá vinnur sá sem er með hærra spil þar til hliðar og svo það næst-hæsta ef á þarf að halda til að skera út um sigurvegarann.

Tvö pör (e. Two pair): Tvö spil með sama númeri og svo tvö önnur samstæð spil, en með öðru númeri en hin fyrri, og svo eitt spil til hliðar.

Ef hendur eru jafnar: Hæsta parið vinnur. Ef spilarar eru með sama parið sem hærra parið sitt þá vinnur sá sem er með næst-hæsta parið með því. Ef báðir spilarar hafa tvö eins pör þá vinnur sá sem er með hæsta spilið þar til hliðar.

Eitt par (e. One pair): Tvö jafnhá spil og þrjú ólík spil þar til hliðar.

Ef hendur eru jafnar: Hæsta parið vinnur. Ef spilarar eru með sama parið þá vinnur sá sem er með hæsta spilið þar til hliðar og svo, ef þess þarf með, þá sá sem hefur það næst-hæsta og að lokum það þriðja-hæsta, ef þarf til að úrskurða um sigurvegara.

Hæsta spil (e. High card): Hver sú hönd sem ekki fellur undir neina skilgreiningu á fenginni hönd, hér að ofan.

Ef hendur eru jafnar (engin hönd): Hæsta spilið vinnur og svo, ef þess þarf ef enn er jafnt, það næst-hæsta, svo þriðja-hæsta, þá það fjórða-hæsta og að lokum fimmta-hæsta spilið, til að skera úr um sigurvegarann.

Ás-til-fimma lágspilahönd (e. Ace to Five Lowball)

Þessi aðferð á að raða lágspilahöndum er sú sem er notuð í hefðbundnum Hi/Lo leikjum, t.d. í Omaha Hi/Lo og í Stud Hi/Lo, ásamt því sem hún er notuð í Razz, sem er „low only“ Stud leikur.

Athugið það að sortir skipta engu máli í Ás-til-fimmu „low“. Hönd sem er litur eða röð vinnur ekki Ás-til-fimmu lágspila pókerhönd. Ásar eru alltaf lægsta (e. low) spil þegar skorið er úr um lágspilahönd.

Athugið að gildi fimm-spila lághanda byrja að reiknast frá hæsta spilinu og fara svo niður þaðan.

Fimma lág (e. Five Low), eða Hjólið (e. Wheel): Fimman, fjarkinn, þristurinn, tvisturinn og ásinn.

Ef hendur eru jafnar: Allar Fimma-hæst (e. Five high) hendurnar skipta með sér pottinum.

Sexa lág (e. Six Low): Sérhver fimm-spila ópöruð hönd þar sem hæsta spilið er sexa.

Ef hendur eru jafnar: Lægra næst-hæsta spil vinnur pottinn. Það þýðir að 6,4,3,2,A vinnur 6,5,4,2,A. Ef þess þarf, þá þriðja-hæsta, fjórða-hæsta og svo fimmta-hæsta spil geta verið notuð til að skera úr um sigurvegarann.

Sjöa lág (e. Seven Low): Sérhver ópöruð fimm-spila hönd, þar sem hæsta spilið er sjöa.

Ef hendur eru jafnar: Lægra næst-hæsta spilið vinnur þá pottinn. Ef þess þarf, ef að enn er jafnt, það þriðja-hæsta, svo það fjórða-hæsta og svo fimmta-hæsta spilið, sem gera þá úr um hver sigrar höndina.

Átta lág (e. Eight Low): Sérhver ópöruð fimm-spila hönd, þar sem lægsta spilið er áttan.

Átta lág er veikasta höndin sem fellur undir skilyrðið lágspilahönd (eða „low“) í Omaha Hi/Lo og í Stud Hi/Lo. Hinsvegar, í Razz, þá þarf hönd ekki að standast slíkt skilyrði, eða „qualifier“ til að teljast með og lægsta höndin sem er í boði vinnur pottinn, einnig þó að hún sé nía lág, drottning lág, eða jafnvel par!

Röðun í Tvistur-til-sjöa Lágspilahönd (e. Deuce to Seven Lowball)

Tvistur-til-sjöa lágspilahönd (e. Deuce to Seven Lowball) er eiginlega andstæða þess sem gildir í hefðbundnum röðunum á háspilshöndum (e. high ranking). Það þýðir að versta mögulega höndin í hefðbundnum „high“ póker – sjöa-fimma hæst, í ólíkum sortum, er allt í einu orðin besta mögulega höndin í tvist-til-sjöu „lowball“ (eða „perfect seven low“ eða „hjólið“).

Í raun þá er ás alltaf hæsta spil í „Deuce to Seven“ (þannig að A,5,4,3,2 er í raun ás „low“, en ekki röð). Raðir og litur (e. straights og flushes) vinna gegn höndinni þinni í tvistur-til-sjöu leik.

Sjöa lág (e. Seven Low): Sérhver ópöruð fimm spil, í ólíkum sortum, þar sem hæsta spilið er sjöa. Besta mögulega höndin er 7,5,4,3,2, einnig kallað „hjól“ eða „number one“.

Ef hendur eru jafnar: Lægra annað spil vinnur pottinn. Það þýðir að 7,5,4,3,2 vinnur 7,6,5,3,2 (svokölluð „Sjö-Fimm low“ er betri en „Sjö-Sex low“). Ef þess þarf þá er næst skoðað þriðja spilið, svo fjórða og svo fimmta, ef að ekki er enn búið að skera úr um sigurvegarann.

Átta lág (e. Eight Low): Sérhver ópöruð fimm spil, ekki í röð og í ólíkum sortum, þar sem hæsta spilið er átta.

Ef hendur eru jafnar: Lægra annað spil vinnur pottinn. Ef þess þarf þá er næst skoðað þriðja spilið, svo fjórða og svo fimmta, til að skera úr um sigurvegarann.

Nía lág (e. Nine Low): Sérhver ópöruð fimm spil, í ólíkum sortum og ekki í röð, þar sem hæsta spilið er nía.

Ef hendur eru jafnar: Lægra annað spil vinnur pottinn. Ef þess þarf þá er næst skoðað þriðja spilið, svo fjórða og svo fimmta, til að skera úr um sigurvegarann.

Tía lág (e. Ten Low): Sérhver ópöruð fimm spil, ekki í röð og af ólíkum sortum, þar sem hæsta spilið er tía.

Ef hendur eru jafnar: Lægra annað spil vinnur pottinn Ef þess þarf þá er næst skoðað þriðja spilið, svo fjórða og svo fimmta, til að skera úr um sigurvegarann.

Athugið: Það er engin skilyrðing, eða „qualifier“, á lágspilahönd í Tvistur-til-sjöa lágspilaleikjum (Deuce to Seven lowball). Dæmin hér að ofan eru bara dæmi um nokkrar af þeim höndum sem geta komið upp í spili – lægsta höndin vinnur alltaf pottinn í „Deuce to Seven“, jafnvel þó að hún sé par eða þaðan af verra!

Badugi handaröðun

Í Badugi er ekki notast við hefðbundna röðun pókerhanda og það krefst smá æfingar í að venjast þeim og að læra að lesa rétt úr höndunum. Styrkleikaröðun handa í Badugi er aðeins svipuð röðuninni í Ás-til-fimma, eða „Ace to Five“; líkt og gildir í „Ace to Five“, þá er ás alltaf lágspil. Hinsvegar, ólíkt því sem er í „Ace to Five“, þá verður hönd sem þú færð að vera í ólíkum sortum og af ólíkum númerum til þess að teljast með sem náð hönd.

Badugi hendur samanstanda af fjórum spilum, í stað hefðbundinna fimm. Vegna þessa þá er ekki mögulegt að mynda hefðbundna fimm-spila röð og ef þú færð fjögur spil í röð þá vinnur það ekki gegn höndinni þinni.

Mundu að ef þú ert með einhver spil í sömu sort þá gildir aðeins annað þeirra með í höndinni og ef þú ert með einhver pör þá telst aðeins annað spilið með í höndina.

Badugi: Badugi er sérhver hönd sem samanstendur af fjórum ópöruðum spilum, sem öll eru í sitthvorri sortinni.

Ef hendur eru jafnar: Lægra annað spilið vinnur pottinn. Ef þess þarf, þá er næst skoðað það þriðja og svo fjórða spilið, til að skera úr um sigurvegarann.

Þriggja-spila hönd (e. Three-Card Hand): Sérhver hönd sem samanstendur af þremur ópöruðum höndum í ólíkum sortum, en fjórða spilið er í sömu sort, eða í sama númeri (parar það þá) og eitt hinna þriggja. Lægstu þrjú ópöruðu spilin, í ólíkum sortum gilda í spilinu.

Af því að hérna er par þá telst einn fjarkinn ekki með, hann er því bara hunsaður, og þannig mynduð 4,2,A þriggja-spila hönd.

Af því að hér eru tvö hjörtu í höndinni þá er annað þeirra hunsað og mynduð þriggja-spila höndin 3,2,A.

Ef hendur eru jafnar: Lægra annað spilið vinnur pottinn. Ef þess þarf þá er skoðað það þriðja í höndinni til að skera úr um sigurvegarann. Fjórða spilið (sem paraði eða var í sömu sort) gildir ekki með í höndinni og er því ekki notað til að skera úr um sigurvegarann.

Tveggja-spila hönd (e. Two-Card Hand): Sérhver hönd er myndast úr tveimur ópöruðum spilum í ólíkum sortum og þar til hliðar spil í sömu sort, eða sem para. Lægstu tvö ópöruðu spilin í ólíkum sortum gilda með í höndinni.

Vegna þess að hér eru tvö pör þá eru hér tekin frá eitt spil úr hvoru pari og mynduð tveggja-spila höndin 5,A.

Vegna þess að hér eru þrjú hjörtu þá eru tvö þeirra tekin frá og mynduð tveggja-spila höndin 2,A.

Ef hendur eru jafnar: Lægra annað spil vinnur pottinn. Þriðja og fjórða spil (sem þá pöruðu eða voru í sömu sort og hin) gilda ekki til að mynda hönd og eru því ekki notuð til að skera úr um sigurvegara.

Eins-spils hönd (e. One-Card Hand): Hönd sem mynduð er með aðeins einu gildu spili. Lægsta spilið er notað áfram.

Þar sem hér eru fjórir ásar þá eru þrír þeirra hunsaðir og mynduð eins-spils hönd, bara með einum ás.

Þar sem hér eru fjögur spil í sömu sort þá eru þrjú þeirra hunsuð og mynduð eins-spils hönd með þristinum.

Ef hendur eru jafnar: Pottinum er skipt á milli jafnra eins-spils handa.

Aftur efst á síðu