Seven Card Stud Hi/Lo

Seven Card Stud Hi/Lo er tæknilega mjög krefjandi pókerleikur þar sem potturinn skiptist jafnt á milli hinnar venjulegu bestu pókerhandar og svo bestu Ás til Fimmu lowball handarinnar í Hólminum (e. Showdown). Í Seven Card Stud fá spilarar gefin sjö spil á meðan höndinni stendur, en nota svo eingöngu fimm þeirra til að mynda sem sterkasta pókerhönd, sem notuð er til að skera úr um sigurvegarann. Kynnið ykkur síðuna okkar um styrkleikaröðun pókerhanda í Seven Card Stud Hi/Lo.

Seven Card Stud Hi/Lo spilast þannig að lághöndin er skilyrt þannig að hún þurfi að vera a.m.k. „eight or better“ sem þýðir að til að teljast sem lágspilahönd þá má hún í versta lagi vera „eight-low“ hönd til að vera gjaldgeng í að spila um lághluta pottsins. (Lágspilahendur eru ákvarðaðar á sama hátt í Seven Card Stud Hi/Lo og þær eru í Omaha Hi/Lo). Ef engin hönd fellur undir skilyrðinguna til að teljast „low“ hönd þá vinnur háspilahöndin allan pottinn.

Stud Hi/Lo styðst við „Ace to Five“ eða „California“ kerfið til að styrkleikaraða lágspilahöndum eftir. Raðir og litur vinna ekki á móti höndinni og Ásar eru alltaf lægstir, svo besta mögulega höndin er því „hjólið“: 5, 4, 3, 2, A. Til að auðveldara sé að átta sig á röðun lágspilahanda þá er hægt að glöggva sig á þeim í dæminu hér niðri og þar er höndunum raðað frá þeirri veikustu (#1, sem mun sjaldan vinna low-hluta pottsins), í þá sterkustu (#10, rærnar, e. the nuts):

8, 7, 6, 5, 4
8, 7, 6, 5, 3
8, 6, 4, 2, A
8, 4, 3, 2, A
7, 6, 5, 4, 2
7, 6, 5, 2, A
7, 5, 4, 3, 2
6, 5, 4, 3, 2
6, 4, 3, 2, A
5, 4, 3, 2, A

Athugið að lágspilshönd raðast alltaf út frá hæsta spili og niður. Til dæmis er hönd #9 þekkt sem „Sexa low“ af því að hæsta spilið í henni er Sexa. Hönd #5 er „Sjöa low“ og hönd #1 er „Átta low“. Í pókermáli er svo gerður frekari greinarmunur á svipuðum höndum með því að fikra sig innar í höndina. Þannig er þá hönd #9 kölluð „Sexa-fjarki low“ og myndi hún vinna hönd #8 sem er „Sexa-fimma low“.

Munið svo líka að raðir og litur vinna ekki gegn höndinni, svo þegar maður nær í lága hönd sem stenst skilyrðinguna og að hún er jafnframt röð eða litur gerir hana mjög sterka og gæti hún þess vegna unnið bæði low og high hlutann af pottinum. Það er kallað „skúbb“.

Reglur í Seven Card Stud Hi/Lo

Forskot (e. Ante)

Áður en Seven Card Stud Hi/Lo leikurinn byrjar þá þurfa allir spilarar skjóta fyrst í pottinn smávægilegri upphæð (sú upphæð fer svo eftir leiknum sem er spilaður og stendur þá við nafnið á borðinu sem spilað er á). Þetta er það sem kostar að fá gefin spil í höndinni. Til dæmis, á myndinni hér fyrir ofan, þá er forskotið 0,05$ í 0,5$/1$ leik

Þriðja-stræti (e. Third Street)

Hverjum spilara eru gefin þrjú spil, tvö holuspil sem eru á grúfu og svo eitt sem snýr upp. Sá sem fær lægsta spilið sem snýr upp í loft er kallaður smali (e. bring-in) og þarf að byrja. Þá þarf hann að leggja út smáboð (e .nominal bet) (og fer upphæð smalans svo eftir leiknum sem er í gangi) en einnig má hann, ef hann vill, leggja út fullt lágmarksboð. Sögnin heldur svo áfram réttsælis um borðið, allt þar til boðum er lokið í þeirri lotu

Athugið: Til að skera úr um hver skuli vera smalinn í Seven Card Stud, ef jafnhátt spil kemur í borð hjá spilurunum, þá er notast við spilasortina til að ákvarða hver skal vera smali. Sortirnar raðast þá í styrkleikaröð eftir stafrófinu (á ensku) – clubs (lauf, sem er þá lægst), diamonds (tíglar), Hearts (hjörtu) og Spades (spaðar, sem þá eru hæstir). Veikasta sortin gefur undan, sem þýðir þá að ef hjarta-Tvistur og laufa-Tvistur eru spilin sem voru gefin lægst þá tapar laufa-Tvistur og tekur því að sér að smala.

Fjórða-stræti (e. Fourth Street)

Hver spilari fær nú annað spil gefið upp í loft, sem kallast Fjórða-stræti. Sá sem fyrstur á að gera núna er sá sem er með sterkustu höndina sjáanlega. Reglan segir að sá spilari má skoða (e. check) eða bjóða (e. bet). Ólíkt því sem gerist í hefðbundnum Seven Card Stud þá gildir ekki að setja megi út tvöfalt boð ef spilari hefur náð sér í par á Fjórða-stræti. Upphæðin sem hann myndi bjóða er því lægsta boð (2$ í 2$/4$ leik).

Til dæmis, á myndinni hér uppi, þá á spilarinn sem er með Ás sýnilegan að segja fyrstur, því Ásinn er hærri en Kóngur-hæst og Átta-hæst sem við sjáum hjá hinum spilurunum. Spilarinn getur því núna valið að skoða (e. check) eða að bjóða lægra-boð (sem er 0,5$ í þessu dæmi þar sem spilað er 0,5$/1$).

Nú fer þá fram boðlota (e. betting round)

Fimmta-stræti (e. Fifth Street)

Hver spilari fær nú gefið annað spil sem snýr upp, svokallað Fimmta-stræti. Aftur, þá skal sá gera fyrstur sem hefur hæstu pókerhöndina sjáanlega á borðinu. Þá fer svo fram ný boðlota.

Frá og með Fimmta-stræti og það sem eftir er af höndinni þá miðast öll boð við hærri takmörk sem sett eru á boð (4$ í leik sem er 2$/4$).

Sjötta-stræti (e. Sixth Street)

Hver spilari fær nú gefið annað spil sem snýr upp, kallað Sjötta-stræti og aftur byrjar sá sem er með hæstu sjáanlegu pókerhöndina. Ný boðlota fer svo hringinn.

Sjöunda-stræti, eða Fljótið (e. Seventh Street, or The River)

Hver spilari fær nú gefið sjöunda og síðasta spilið og það er gefið á grúfu og enginn sér á það nema sá sem fær það gefið. Líkt og á fyrri strætum spilsins, þá skal sá segja fyrstur sem hefur hæstu pókerhöndina. Síðasta boðlotan hefst þá og ef fleiri en einn spilari eru enn með í höndinni þegar henni er lokið þá er komið að Hólminum (e. showdown).

Hólmurinn – Skorið úr um Hi og Lo sigurvegarana

Ef fleiri en einn spilari eru enn með í höndinni þegar síðustu boðlotunni er lokið, þá skal sá sem síðastur bauð eða hækkaði sýna sín spil fyrst (því hann hefur þá verið kallaður eða boð hans séð að jöfnu). Ef ekkert hefur verið boðið í síðustu boðlotunni, þá skal sá sýna fyrstur sem situr fremstur (sæti 1, sæti 2, sæti 3 o.s.frv.). Aðrar hendur sem eru með þegar í Hólminn er komið eru þá sýndar réttsælis um borðið.

Spilarinn með bestu fimm-spila pókerhöndina í leik um háa-hlutann („Hi“) vinnur þá hálfan pottinn og spilarinn með bestur lágspilahöndina („Lo“) vinnur hinn helminginn af pottinum. Ef engar hendur standast skilyrðinguna sem gildir til að spila um low hlutann þá vinnur besta höndin allan pottinn.

Munið að í Seven Card Stud Hi/Lo , þá er „eight or better“ skilyrðing í gangi til að geta unnið lága hluta pottsins. Það þýðir að spilari verður að hafa óparaða fimm-spila hönd sem inniheldur eingöngu spil sem eru jöfn eða lægri Áttu. Ef enginn spilari getur uppfyllt þetta skilyrði þá er ekki spilað um „low“, eða lághönd, það skiptið.

Ef upp kemur að tveir eða fleiri spilarar séu með sömu há- eða lágspila höndina þá skal þeim hlutum pottsins sem þeir spila um skipt á milli þeirra.

Eftir að potturinn hefur verið veittur sigurvegaranum þá getur nýr leikur af Seven Card Stud Hi/Lo póker hafist.

Boðmöguleikar spilarans

Í Stud, líkt og í öðrum pókerleikjum, þá eru mögulegar sagnir að pakka (e. fold), skoða (e. check), bjóða (e. bet), kalla/sjá að jöfnu (e. call), eða að hækka (e. raise). Hvaða sagnir eru svo í boði hverju sinni fyrir spilarann fer algjörlega eftir því sem hefur gerst áður en kemur að honum að segja og hvað hinir spilararnir hafa gert. Sérhver spilari getur alltaf pakkað, þ.e. að leggja frá sér spilin og gefa frá sér möguleikann á að vinna pottinn. Ef enginn hefur enn lagt út nokkuð boð, þá má spilari velja að skoða (að hafna því að bjóða, en halda spilunum enn um sinn og sjá hvað gerist), eða að bjóða. Ef spilari hefur boðið, þá geta aðrir spilarar sem gera þar á eftir pakkað, séð, eða hækkað. Það að kalla, eða að sjá að jöfnu, þýðir að spilari jafnar það boð sem þegar hefur verið lagt út. Að hækka þýðir að þú ert ekki bara að jafna það boð sem þegar er komið út, heldur hækkar þú það enn frekar. Boð og hækkanir sem gilda í leikjum sem spilaðir eru með takmörkum fara öll eftir fyrirfram ákveðnum upphæðum.

Aðrar reglur og uppákomur

Til að skera úr um hver skuli vera smalinn í Seven Card Stud, ef jafnhátt spil kemur í borð hjá spilurunum, þá er notast við spilasortina til að ákvarða hver skal vera smali. Sortirnar raðast þá í styrkleikaröð eftir stafrófinu (á ensku) – clubs (lauf, sem er þá lægst), diamonds (tíglar), Hearts (hjörtu) og Spades (spaðar, sem þá eru hæstir). Veikasta sortin gefur undan, sem þýðir þá að ef hjarta-Tvistur og laufa-Tvistur eru spilin sem voru gefin lægst þá tapar laufa-Tvistur og tekur því að sér að smala. (Athugið samt að ekki er notast við þessa reglu til að skera úr um jafn háar hendur þegar komið er að Hólminum til að úrskurða um hver vinnur).
Ef spilarinn með hæsta spilið sem sést á Þriðja-stræti er með allt-í (e. all-in) við forskotin (e. ante) og getur því ekki lagt út smalaboðið, þá færist smalinn réttsælis á næsta spilara við borðið, óháð því hvaða spil hann er svo með sýnilegt.
Vegna þess að Stud leikir eru spilaðir með átta spilurum og aðeins 52 spilum, þá getur það gerst að spilin í stokknum klárist áður en komið er að því að gefa spil í Sjöunda-stræti. Við þessi undantekningartilvik þá skal gefa eitt sameignarspil (e. community card) upp í loft í borðið, sem svo allir spilararnir, sem enn eru með í höndinni, nota saman sem sitt eigið.

Önnur tilbrigði við Stud leikinn

Seven Card Stud er líka aðgengilegur í pókersal PokerStars sem „high only“.

PokerStars býður einnig upp á Razz. Í þeirri útgáfu af Stud þá fer allur potturinn til þess sem er með bestu lágspilahöndina og gildir engin skilyrðing um hana, heldur bara að hún sé lægsta höndin.

Lærðu ókeypis hvernig þú átt að spila Seven Card Stud

Ef þú þekkir til leiksins Stud póker, þá ættir þú að vera nokkuð fljótur að ná tökum á Seven Card Stud Hi/Lo útgáfunni. Ef þú þekkir ekkert til Stud pókers, eða til Seven Card Stud, þá mælum við með því að þú prufir þann leik fyrst og kynnist því hvernig hann er spilaður. Þú ert alltaf velkominn á ókeypis póker borðin hjá okkur á PokerStars, svona til þess að skerpa pókerhæfileikana áður en þú ferð að spila póker fyrir alvöru pening.

Að lokum þá langar okkur að benda þér á, ef þig langar að spila fleiri útgáfur af Hi/Lo pókerleikjum, að kíkja á Omaha Hi/Lo, sem er einnig mjög vinsæll pókerleikur. Báðir þessir leikir eru ágætis tilbreyting frá hinum gríðarvinsæla Texas Hold’em leik og hægt er að nálgast þá á svæðinu okkar um pókermót.

Gangi þér vel við að spila Seven Card Stud Hi/Lo!

Síður fyrir aðra pókerleiki

Við bjóðum einnig upp á eftirfarandi leiki:

Þú gætir einnig haft áhuga á að skoða síðu um pókersalinn okkar almennt. Þar finnur þú upplýsingar um eftirfarandi viðfangsefni:

Kærar þakkir fyrir að skoða síðuna okkur um Seven Card Stud Hi/Lo á PokerStars. Ef þú hefur einhverjar frekari spurningar þá vinsamlegast sendu þær með tölvupósti á support@pokerstars.com.