Netpókerhugbúnaður PokerStars – Þjónustuskilmálar

LEYFISSAMNINGUR NOTANDA

Þennan leyfissamning notanda („Samninginn“) ættir þú („Notandinn“ eða „þú“) að lesa í heild áður en þú byrjar að nota þjónustu eða vörur PokerStars. Vinsamlegast athugaðu að í Samningnum felst lagalega bindandi samkomulag milli þín og Rational Entertainment Enterprises Limited (hér vísað til sem „PokerStars“, „við“) sem á og rekur internetsvæðið á www.pokerstars.com („Svæðið"). Auk skilmálanna og skilyrðanna í þessum Samningi biðjum við þig að skoðaMeðferð persónuupplýsinga, Pókerreglurnar og Skilmála og skilyrði peningaspila og gjaldeyrisskiptiþjónustu svo og aðrar reglur, yfirlýsingar og skilmála og skilyrði sem tengjast spilunum og tilboðunum sem fást á Svæðinu eins og tilgreint er á Svæðinu á hverjum tíma, og þar er vísað til, og aðrar slíkar yfirlýsingar sem við kunnum að tilkynna þér um af og til.

Með því að smella á hnappinn „Ég samþykki“ í uppsetningarferlinu og nota Hugbúnaðinn (eins og skilgreint er hér á eftir) samþykkir þú skilmálana og skilyrðin sem sett eru fram í þessum Samningi, Meðferð persónuupplýsinga og Pókerreglunum eins og hvert og eitt skjalanna kann að vera uppfært eða því breytt frá einum tíma til annars í samræmi við neðangreind ákvæði og ákvæði í þeim.

1. VEITING LEYFIS/HUGVERKARÉTTUR

1.1. Samkvæmt skilmálum þeim og skilyrðum sem hér er að finna gefur PokerStars Notandanum almennan, óframseljanlegan rétt til að setja upp og nota PokerStars-pókerhugbúnaðinn („Hugbúnaðinn“) til að öðlast aðgang að PokerStars-þjónunum og spila tiltæk pókerspil („Spilin“) (saman kallast Hugbúnaðurinn og Spilin „Þjónustan“).

1.2. PokerStars veitir þér leyfi fyrir Hugbúnaðinum til persónubundinnar einkanotkunar þinnar. Vinsamlegast athugaðu að Hugbúnaðurinn er ekki ætlaður til notkunar fyrir (i) einstaklinga undir 18 ára aldri, (ii) einstaklinga undir lögaldri í lögsögu þeirri sem þeir tilheyra (iii) einstaklinga sem tengjast Svæðinu frá lögsögu þar sem slíkt telst ólöglegt. PokerStars getur ekki sannreynt lögmæti Þjónustunnar í hverri lögsögu og það er á ábyrgð Notandans að sannreyna slík atriði.

1.3. Við áskiljum okkur rétt til þess, hvenær sem er, að krefja þig um sönnun fyrir aldri þínum til að tryggja að ólögráða einstaklingar noti ekki Þjónustuna. Við áskiljum okkur enn fremur rétt til að stöðva eða ógilda reikning þinn og útiloka þig, tímabundið eða til frambúðar, frá því að nota Þjónustuna ef viðunandi sönnun fyrir aldri er ekki lögð fram eða okkur grunar að þú sért undir lögaldri.

1.4. Frumkóði Hugbúnaðarins, skipulag hans og uppbygging er verndað með lögum um höfundarrétt, viðskiptaleyndarmál, hugverkarétt og önnur réttindi. Þú mátt ekki:

(a) afrita, dreifa, birta, bakhanna, bakþýða, baksmala, breyta eða þýða Hugbúnaðinn eða gera neina tilraun til að komast í frumkóðann til að búa til afleidd verk úr frumkóða Hugbúnaðarins eða á annan hátt;

(b) selja, úthluta, framselja, yfirfæra, dreifa eða leigja út Hugbúnaðinn;

(c) gera Hugbúnaðinn tiltækan neinum þriðja aðila um tölvunet eða á annan hátt;

(d) flytja Hugbúnaðinn út til annars lands (hvort sem er efnislega eða með rafrænum hætti); án fyrirfram gefins skriflegs samþykkis PokerStars; eða

(e) nota Hugbúnaðinn á einhvern þann hátt sem viðeigandi lög eða reglur banna,

(hvert atriðanna hér að ofan er „Óleyfileg notkun“).

Þú einn ert ábyrg/ur fyrir öllu tjóni, kostnaði eða útgjöldum sem skapast af eða í tengslum við það að þú sért staðinn að einhverri Óleyfilegri notkun. Þú skalt tilkynna PokerStars það strax ef þú verður þess var að einhver verði vís að Óleyfilegri notkun og skalt veita PokerStars eðlilega aðstoð við hverjar þær rannsóknir sem það lætur fram fara í ljósi upplýsinga frá þér um þetta.

1.5. Orðin „PokerStars“, öll önnur vörumerki, þjónustuauðkenni og/eða vörumerki sem notuð eru af PokerStars á Svæðinu hverju sinni („Vörumerkin“) eru vörumerki, þjónustuauðkenni og/eða vörumerki PokerStars eða einhvers fyrirtækis í þeirri samstæðu og/eða leyfishafa þess og þessi fyrirtæki áskilja sér allan rétt til slíkra Vörumerkja. Auk þess tilheyrir annað efni á Svæðinu, þar á meðal en ekki eingöngu, Hugbúnaðurinn, myndir, teikningar, ljósmyndir, hreyfimyndir, myndskeið, tónlist, hljóð og texti („Efni svæðisins“) PokerStars eða einhverju fyrirtæki í þeirri samstæðu og/eða leyfishafa þess og er varið með höfundarrétti og/eða öðrum hugverkarétti eða öðrum rétti. Þú samþykkir hér með að með því að nota Þjónustuna og Svæðið öðlast þú ekki neinn rétt á Efni svæðisins eða neinum hluta þess. Undir engum kringumstæðum mátt þú nota Efni svæðisins án fyrirfram gefins skriflegs samþykkis PokerStars.

2. ENGIN ÁBYRGÐ.

2.1. PokerStars vísar frá sér sérhverri og öllum ábyrgðum, sérstökum eða undirskildum, í tengslum við Þjónustuna sem er veitt þér „EINS OG HÚN BIRTIST“ og við veitum þér enga ábyrgð eða staðhæfingu að neinu leyti varðandi gæði hennar, notagildi í ákveðnum tilgangi, heildstæðni eða nákvæmni.

2.2. Óháð þeirri viðleitni okkar að veita þér hágæðaþjónustu sem er trygg og örugg tökum við enga ábyrgð á því að Þjónustan verði ótrufluð, á réttum tíma eða villulaus, að gallar verði lagaðir eða að þjónustan sem hér tilheyrir verði laus við veirur eða forritsgalla.

2.3. PokerStars áskilur sér rétt til að stöðva, binda enda á, breyta eða bæta við Þjónustuna algjörlega að eigin ákvörðun og tafarlaust og án skuldbindingar um að tilkynna þér það og við berum ekki ábyrgð að neinu leyti á nokkru tjóni sem leiðir af nokkurri ákvörðun PokerStars hvað þetta varðar.

3. HEIMILD

PokerStars heldur heimild fyrir útgáfu, viðhaldi og lokun reikninga Notenda á PokerStars. Ákvörðun stjórnenda PokerStars sem snertir að einhverju leyti reikning Notanda, notkun Þjónustunnar eða lausn deilu er endanleg og skal ekki vera opin til endurskoðunar eða áfrýjunar.

4. STAÐHÆFINGAR ÞÍNAR OG ÁBYRGÐIR

Áður en þú notar Þjónustuna og áfram eftir það staðhæfir þú, ábyrgist, semur um og samþykkir að:

4.1. Þú viðurkennir að hætta er á að tapa peningum þegar Þjónustan er notuð og að PokerStars ber enga ábyrgð gagnvart þér vegna slíks tjóns.

4.2. Þú samþykkir að notkun þín á Þjónustunni er algerlega að þínum eigin vilja og geðþótta og áhættan er þín.

4.3. Þú samþykkir að þú þarft að gefa okkur vissar persónulegar upplýsingar (þar á meðal um greiðsluhætti þína) til þess að geta notað Þjónustuna. Eftirlit okkar með upplýsingunum sem þú gefur skal vera í samræmi við Meðferð persónuupplýsinga.

4.4. Þú berð einn ábyrgð á öllum viðeigandi sköttum sem kann að þurfa að greiða af vinningum sem þér eru greiddir.

4.5. Þú berð einn ábyrgð á fjarskiptanets- og internetaðgangsþjónustu sem þú þarft til að fá aðgang að og nota Þjónustuna og við skulum ekki bera neina ábyrgð að nokkru leyti vegna galla þar á.

5. NOTKUN SEM ER BÖNNUÐ

5.1. NOTKUN SEM ER BÖNNUÐ. Notandinn má ekki reyna að breyta, bakþýða, bakhanna eða baksmala Hugbúnaðinum með nokkrum hætti.

5.2. PERSÓNULEG NOTKUN. Þjónustan er eingöngu ætluð fyrir persónulega notkun Notandans. Notandanum leyfist aðeins að leggja undir sér sjálfum til skemmtunar. Undir engum kringumstæðum skal Notanda leyfast að nota „reikning sinn með raunverulegum peningum“ hjá PokerStars í neinum örðum tilgangi en til að nota Þjónustuna. Notandinn verður að gefa PokerStars ítarlegar og sannar upplýsingar í öllum atriðum og Notandinn er skyldugur til að uppfæra slík atriði ef einhverjar breytingar verða þar á. Notandi má aðeins hafa einn reikning hjá PokerStars og skal aðeins nota Þjónustuna með einum slíkum reikningi. Ekki skal Notandi heldur leyfa öðrum einstaklingi að nota Þjónustuna með sínum reikningi.

5.3 MILLIFÆRSLUR RAUNVERULEGRA PENINGA. Aðgangur að millifærslum raunverulegra peninga í PokerStars (Real Money Transfer) er í gegnum anddyri PokerStars í beiðnum (og svo millifæra peninga). Spilarar verða að tilgreina upphæðina sem á að millifæra og spilaraauðkenni viðtakandans. Spilarar eru minntir á að það er á þeirra ábyrgð að tryggja að þeir viti hverjir spilararnir eru áður en þeir byrja slíkar aðgerðir. Takmörk yfirfærslna verða sett af PokerStars á hvern spilara.

Eins og kveðið er á um í leyfissamningi PokerStars og samkvæmt löggjöf um peningaþvætti verða spilarar að gera sér grein fyrir því að þeir kunna að verða að leggja fram persónuleg skilríki (svo sem skilríki gefin út af stjórnvöldum, bankayfirlit og innheimtureikninga) samkvæmt beiðni svo að hægt sé að framkvæma millifærsluna. Þetta gerir PokerStars kleift að hjálpa til við að vernda spilara sína og hindra að PokerStars sé notað sem leið fyrir peningaþvætti eða svindl.

Eftirfarandi skilmálar og skilyrði eiga einnig við um millifærslu raunverulegra peninga:

PokerStars áskilur sér rétt til að hafna hvaða millifærslubeiðnum sem er eða ógilda millifærslu af reikningi leiki grunur á broti gegn einhverjum skilmálum og skilyrðum af hálfu sendanda eða viðtakanda.
Sendandinn samþykkir að hann má einungis millifæra af reikningi til að gera Viðtakanda kleift að spila póker á PokerStars en ekki í neinum öðrum tilgangi.
Viðtakandinn samþykkir að hann má einungis nota fé úr millifærslu af reikningi til að spila póker á PokerStars en ekki í neinum öðrum tilgangi.
Spilarar geta ekki greitt út fé sem tekið er beint við úr millifærslu (sjá lið 3 hér að ofan); vinningar sem koma af pókerspili þar sem millifært fé var notað og sem strax er beðið um útborgun á verða yfirfarnir í samræmi við innra eftirlit PokerStars, stefnumið og vinnureglur.

5.4. SAMSÆRI. Samsæri Notenda um að samnýta gjafarspil (hole cards) eða um hvaðeina annað er stranglega bannað. PokerStars áskilur sér rétt til þess, auk annarra úrræða, að takmarka sætaröðun og/eða að banna Notendum að spila við tiltekið pókerborð í móti, þar á meðal að hindra tvo eða fleiri Notendur í að spila saman við sama borð eða í sama móti. Auk þess áskilur PokerStars sér rétt til að líta á allt leynimakk milli spilara (þar á meðal Notenda) sem efnislegt brot á þessum Samningi og því skal PokerStars hafa rétt á að ógilda reikning Notanda ef Notandi flækist í eða reynir að taka þátt í slíku athæfi, hver sem útkoman verður úr slíkri tilraun.

5.5. UTANAÐKOMANDI HJÁLPARFORRIT SPILARA (EPA). PokerStars bannar þau utanaðkomandi hjálparforrit spilara (External Player Assistance Programs, „EPA-forrit“) sem eru hönnuð til að gefa spilurum „Ósanngjarnt forskot“. PokerStars skilgreinir „utanaðkomandi“ þannig að það merki tölvuhugbúnað (annan en Hugbúnaðinn) og gagnagrunna og snið sem ekki eru byggð á hugbúnaði (t.d. vefsvæði og áskriftarþjónusta). PokerStars skilgreinir „Ósanngjarnt forskot“ sem hvert það tilvik þar sem Notandi kemst í eða tekur saman upplýsingar um aðra spilara umfram það sem Notandinn hefur sjálfur tekið eftir við eigin spilamennsku. Við hvetjum þig til að lesa Algengar spurningar um bannaðan vefhugbúnað.

5.6. AUTOMATIC PLAYERS (BOTS). Notkun gervigreindar, þar á meðal, án takmarkana, „vélmenna“ er stranglega bönnuð í tengslum við Þjónustuna. Allar aðgerðir Notenda í tengslum við Þjónustuna verða að vera framkvæmdar af spilurum sjálfum gegnum notendaviðmótið sem aðgengilegt er með notkun Hugbúnaðarins.

5.7. Þú samþykkir að PokerStars má grípa til ráðstafana til að koma upp um og hindra notkun bannaðra EPA-forrita. Meðal þessara ráðstafana getur verið, en takmarkast ekki þar við, skoðun hugbúnaðarforrita sem keyrð eru samsíða PokerStars Hugbúnaðinum á tölvu Notanda. Þú samþykkir að þú munir ekki reyna að komast undan, hindra, komast hjá, eða eiga við óleyfilega slíkar ráðstafanir, þar með talið og án takmarkana notkun hugbúnaðar frá þriðja aðila sem kemur sér hjá, truflar eða hindrar slíkar ráðstafanir.

5.8. SPILAPENINGAGJÖF (E. CHIP DUMPING). Spilapeningagjöf (e. Chip-dumping) á sér stað þegar einhver Notandi tapar viljandi hendi til að koma spilapeningunum sínum til annars Notanda. Hvern þann Notanda sem gefur eða reynir að gefa öðrum Notanda spilapeningana sína þegar hann er að nota Þjónustuna má útiloka til frambúðar frá Þjónustunni og ógilda má reikning hans þegar í stað. Við slíkar kringumstæður ber PokerStars engin skylda til að endurgreiða Notanda neina peninga sem kunna að vera á PokerStars-reikningi hans þá stundina.

5.9. SVIKSAMLEGT ATHÆFI. Í því tilviki að PokerStars úrskurði að Notandi hafi átt þátt í eða reynt að eiga þátt í sviksamlegu, ólöglegu, óheiðarlegu eða ósæmilegu athæfi þegar hann notaði Þjónustuna, þar á meðal, án takmarkana, tekið þátt í einhverju athæfi sem lýst er hér að ofan eða einhverri annarri hagræðingu á spilinu, eða átt þátt í sviksamlegri greiðslu, þar á meðal, án takmarkana, notkun stolins greiðslukorts eða sviksamlegri útborgun eða peningaþvætti, á PokerStars rétt á að grípa til viðeigandi ráðstafana, þar á meðal:

að loka þegar í stað fyrir aðgang að Þjónustunni;
ógilda reikning slíks Notanda hjá PokerStars;
gera upptækt allt fé á PokerStars-reikningi Notandans;
senda slíkar upplýsingar (þar á meðal um það hver Notandinn er) til fjármálastofnana, viðkomandi yfirvalda og/eða hverrar þeirrar persónu eða stofnunar sem á lagalegan rétt á slíkum upplýsingum;
grípa til lagalegra aðgerða gegn síkum Notanda.

5.10 GJALDEYRISSKIPTI. Notendur geta haft áhrif á gjaldeyrisskiptimarkað Síðunnar með þeim innistæðum sem standa skuldfærð í nafni Notanda á reikningi hans („Gjaldeyrisþjónusta“). Öll gjaldeyriskaup og skipti sem fara um Gjaldeyrisþjónustuna fara fram á því gengi sem skráð er hverju sinni á PokerStars og eiga við um þau viðskipti er fram fara. Kaupgengi gjaldmiðla er uppfært reglulega og einnig getur það komið upp að mismunandi gengi getur verið í boði, eftir því um hvernig viðskipti er að ræða, eða að verðsveiflur gjaldmiðla hafi áhrif á gengið hverju sinni. Notendur ættu að vera meðvitaðir um sveiflur í gengi gjaldmiðla og þau áhrif sem slíkt getur haft á tiltæka sjóði þeirra áður en þeir notfæra sér Gjaldeyrisþjónustuna. PokerStars getur ekki borið ábyrgð á mögulegum hagnaði eða tapi sem notendur verða fyrir í gjaldeyrisskiptum við Gjaldeyrisþjónustuna. Einnig ættu Notendur að vera meðvitaðir um það að PokerStars tekur gjald af gjaldeyrisumsýslu sem fer um Gjaldeyrisþjónustuna, sem það getur þó kosið að taka ekki (fella niður) ef PokerStars telur það henta sínum markmiðum betur, í einstaka tegundum viðskipta. PokerStars getur einnig, að eigin frumkvæði og ef það er talið henta markmiðum fyrirtækisins, tekið eða fellt niður þjónustu og stuðning við gjaldmiðil á nokkurs fyrirvara.

Öll notkun á Gjaldeyrisþjónustunni og/eða reikningum Notanda til spákaupmennsku með gjaldmiðla er stranglega bönnuð. Til þess að tryggja það að Gjaldeyrisþjónustan geti sinnt sínum ætlaða tilgangi sem allra best, áskilur PokerStars sér allan rétt til að:

hafna eða bakfæra hver þau gjaldeyrisskipti eða færslur sem farið hafa um Gjaldeyrisþjónustuna; og/eða
takmarka fjölda gjaldmiðla sem Notandi getur átt á reikningi sínum sem og takmarkað upphæðir þær sem Notandinn getur skipt á milli gjaldmiðla hverju sinni; og/eða
farið fram á það að þeim sjóðum er liggja á reikningum Notanda og er hefur verið sýslað um í gegnum Gjaldeyrisþjónustuna, sé ráðstafað fyrst til þess að spila Leiki þá er í boði eru á Síðunni, áður en þeir eru borgaðir út, eða þeir millifærðir, eða notaðir í einhverjum öðrum tilgangi; eða/og
afturvirkt lagt á gjöld sem gætu hafa verið felld niður í tengslum við gjaldeyrisviðskipti

Notandinn er sammála um og samþykkir þessar skyldur og skilmála er tengjast umsýslu raunverulegra peninga og gjaldeyrisviðskiptum og lesa má frekar um á slóðinni /poker/real-money/processing-exchange-terms/.

5.11 Íbúum Bandaríkjanna og svæða sem heyra undir þeirra yfirráð er ekki heimilt að leggja inn raunverulega peninga á reikninga sína eða að taka þátt í spilun með raunverulega peninga. Íbúum er heimilt að leysa út þær upphæðir sem þeir eiga á reikningum sínum. Íbúum annarra landa er ekki heimilt að taka þátt í spilun með raunverulega peninga á meðan þeir eru staðsettir í Bandaríkjunum. Sérhver tilraun til að reyna að koma sér undan þeim hömlum sem settar eru á íbúa Bandaríkjanna og svæða sem heyra undir þeirra yfirráð, sem og hömlum á íbúa annarra landa sem staðsettir eru í Bandaríkjunum, telst vera rof á þessu Samkomulagi. Tilraun til undankomu telst vera, en er þó ekki takmarkað við, að eiga við þær upplýsingar sem notaðar eru af PokerStars til að sannreyna staðsetningu þína og að láta PokerStars í té falskar eða misleiðandi upplýsingar um dvalarstað þinn.

6. MÓÐGANDI TAL EÐA EFNI

Notanda er bannað að birta nokkurt ólöglegt, óviðurkvæmilegt, ærumeiðandi, niðrandi eða ógnandi efni eða annað efni sem gæti brotið gegn lögum eða væri almennt álitið móðgandi gegnum Þjónustuna með spjallaðgerðinni, með myndavalkostinum eða í samskiptum við starfsfólk PokerStars.

Við notkun spjallaðgerðarinnar sem Notendum býðst í þjónustunni er Notendum bannað að gefa neinar yfirlýsingar sem kynna einhverja þjónustu eða vöru einhverra aðila annarra en PokerStars. Ekki skulu Notendur heldur gefa yfirlýsingar um PokerStars eða Þjónustuna sem eru ósannar eða skoða má sem niðrandi eða gagnrýnar.

7. BROT

7.1. Ef Notandi brýtur að öllu eða nokkru leyti ákvæði sem hér er að finna, án tillits til nokkurra annarra réttinda, áskilur PokerStars sér rétt til viðeigandi ráðstafana, þar á meðal ógildingar þessa Samnings, tafarlausrar lokunar fyrir aðgang þessa Notanda að Þjónustunni, ógildingar reiknings slíks Notanda hjá PokerStars, að gera upptæka alla peninga á viðkomandi PokerStars-reikningi og/eða grípa til lagalegra aðgerða gegn slíkum Notanda.

7.2. Þú samþykkir að bæta að fullu, verja, og halda skaðlausum PokerStars og hluthöfum þess, stjórnendum og starfsmönnum af og gegn öllum kröfum, ábyrgð, skaðabótum, tjóni, kostnaði og útgjöldum, þar á meðal telst þóknun lögmanna og öll önnur gjöld, hvernig sem þau eru til komin og geta risið vegna:

7.2.1. brots þíns á þessum Samningi, í heild eða að hluta;
7.2.2. brots þíns á einhverjum lögum eða einhverjum rétti þriðja aðila; og
7.2.3. notkunar þinnar á Þjónustunni eða notkunar einhvers annars sem hefur aðgang að Þjónustunni með því að nota Innskráningargögnin þín (eins og skilgreint er hér fyrir neðan), hvort sem er með þinni heimild eða ekki.

8. TAKMÖRKUN ÁBYRGÐAR. Undir engum kringumstæðum, þar með telst vanræksla, skal PokerStars vera bótaskylt vegna nokkurs sérstaks, tilfallandi, óbeins eða afleidds tjóns af neinu tagi (þar á meðal, án takmarkana, er tjón vegna missis viðskiptahagnaðar, truflunar viðskipta, missis viðskiptaupplýsinga eða einhvers annars fjárhagslegs tjóns) sem rís af notkun (eða misnotkun) Þjónustunnar jafnvel þó að PokerStars hafi vitað fyrir um möguleikann á slíku tjóni.

9. ÖRYGGI OG REIKNINGURINN ÞINN.

9.1. Hver Notandareikningur skal vera aðgengilegur með notkun bæði einkvæms notandaauðkennis („Notandaauðkenni“), einkvæms leynilegs aðgangsorðs („Aðgangsorð“), og valfrjálsrar tölu („Öryggisauðkenni“) (vísað er til Notandaauðkennisins, Aðgangsorðsins og Öryggisauðkennisins með orðinu „Innskráningargögn“). Notandinn er skyldugur til að velja sér eigin Notandaauðkenni og Aðgangsorð samkvæmt reglum þar um. Ef Öryggisauðkenni er tengt Notandareikningi velur Þjónustan það með slembivali.

9.2. Notandinn samþykkir að hann ber einn ábyrgð á allri notkun Þjónustunnar með Innskráningargögnum hans og hann á alls ekki að upplýsa neina persónu um þau.

9.3. Notandinn er skyldugur til að halda Innskráningargögnum sínum ætíð leyndum og gera allar viðeigandi ráðstafanir til að verja leynd þeirra og öryggi. Öll óleyfileg notkun Innskráningargagnanna skal vera algerlega á ábyrgð Notandans og teljast vera notkun hans. Öll ábyrgð þar á skal vera Notandans.

9.4. Vinsamlegast athugaðu að peningar sem eru inni á PokerStars-reikningi þínum safna ekki vöxtum.

9.5. Þú munt ekki geta lagt undir, með því að nota Þjónustuna, upphæð sem er hærri en heildarfjárhæðin á PokerStars-reikningnum þínum.

9.6. Þú berð fulla ábyrgð á greiðslu allra peninga sem þú skuldar PokerStars. Þú samþykkir að gera ekki neinar kröfur um endurgreiðslur og/eða neita greiðslum eða bakfæra greiðslur þínar vegna Þjónustunnar. Þú munt endurgreiða PokerStars fyrir allar endurgreiðslur þínar, neitun um eða bakfærslu greiðslna sem og allt tjón sem við verðum fyrir vegna þess.

9.7. PokerStars áskilur sér rétt til að gera lánstraustsprófun og/eða sannprófun auðkenna á Notanda, hjá matsfyrirtækjum þriðja aðila eða slíkri þjónustu, og nota til þess upplýsingar sem Notandi gefur okkur við skráningu í Þjónustuna.

9.8. PokerStars áskilur sér rétt til að nota rafrænan greiðslubúnað og/eða fjármálastofnanir til að vinna úr greiðslum frá þér og til þín í tengslum við notkun þína á Þjónustunni.

9.9. Þú viðurkennir og samþykkir að peningar sem þú hefur lagt inn á PokerStars-reikninginn þinn eru geymdir á traustum reikningi fyrir þig.

10. ANNAÐ

Í þessari vöru er hugbúnaður sem þróaður er af OpenSSL-verkefninu til notkunar í OpenSSL-verkfærasettinu (http://www.openssl.org).

11. ÁGREININGUR

Notandinn samþykkir að söguleg gögn um hvert spil skuli vera eins og þau eru skráð á PokerStars-þjónunum. Komi upp ósamræmi milli spilanna sem birtast á tölvu þinni og spilaskráninga á þjónum PokerStars skulu hinar síðartöldu gilda. Notandinn samþykkir að aðgerðin „Instant Hand History“ í Hugbúnaðinum skoðast ekki sem opinber söguleg skrá um neina hönd.

12. VIÐAUKI

PokerStars áskilur sér rétt til að uppfæra eða breyta þessum samningi eða hlutum af honum hvenær sem er án fyrirvara og þú verður bundin/n af slíkum viðauknum Samningi innan 14 daga frá því að hann er birtur á Svæðinu. Við hvetjum þig því til að heimsækja Svæðið reglulega og kanna skilmála og skilyrði þeirrar útgáfu af Samningnum sem gildir á hverjum tíma. Áframhaldandi notkun þín á Svæðinu telst vera samþykki þitt við viðauka Samningsins.

13. RÁÐANDI LÖG

Um samninginn og öll mál sem tengjast honum skulu gilda lög á eynni Mön, og hann skal túlkaður samkvæmt þeim. Báðir aðilar samþykkja afdráttarlaust að viðkomandi dómstólar á eynni Mön skulu einir hafa lögsögu í tengslum við allar kröfur, deilur eða ágreining sem snerta Samninginn og öll mál sem af honum rísa og afsala sér skilyrðislaust öllum rétti sem þeir kynnu að hafa til að andmæla máli sem höfðað væri fyrir þessum dómstólum eða til að halda því fram að málið hafi verið borið upp á óheppilegum vettvangi eða að þessir dómstólar hafi ekki lögsögu.

14. ÁFRAMHALDANDI GILDI ÁKVÆÐA

Ef eitthvert ákvæði Samnings þessa er eða verður ólöglegt, ógilt eða óframfylgjanlegt í einhverri lögsögu skal það ekki hafa áhrif á gildi eða framfylgni annarra ákvæða í þeirri lögsögu eða gildi eða framfylgni þessa ákvæðis eða annarra í þeirri lögsögu

15. FRAMSAL

PokerStars áskilur sér rétt til að framselja þennan samning, allan eða að hluta, hvenær sem er án fyrirvara. Notandinn má ekki framselja nein réttindi sín eða skyldur samkvæmt þessum Samningi.

16. ÝMIS ÁKVÆÐI

16.1. Engin tilslökun af hálfu PokerStars á að fylgja eftir broti á þessum Samningi (þar á meðal að PokerStars skuli ekki krefjast þess að öllum ákvæðum Samnings sé stranglega fylgt) skal að neinu leyti skoðuð þannig að hún heimili annað eftirfylgjandi brot slíks ákvæðis eða brot á einhverju öðru ákvæði Samningsins.

16.2. Ekkert í Samningi þessum skal stofna eða veita nein réttindi eða önnur fríðindi til handa nokkrum þriðja aðila sem ekki er aðili Samnings þessa.

16.3. . Ekkert í þessum Samningi skal stofna eða teljast stofna félagasamband, umboð, traustyfirlýsingu, forræðissamband eða samrekstur milli þín og okkar.

16.4. Þessi samningur myndar allan skilning og samþykki okkar varðandi Þjónustuna og fellir úr gildi alla fyrri samninga, yfirlýsingar eða ráðstafanir milli þín og okkar.

16.5. Notandinn verður að gefa PokerStars ítarlegar og sannar upplýsingar sem PokerStars biður um í tengslum við notkun Notandans á Þjónustunni og ætíð samkvæmt skilmálum í Meðferð persónuupplýsinga.

16.6. Útgáfa Samnings þessa á ensku skal gilda komi í ljós misræmi milli þýddra útgáfna af Samningnum.

=========================================================

Nánari upplýsingar má fá á www.pokerstars.com

Hægt er að hafa samband við PokerStars á support@pokerstars.com.

Efst á síðuna

Athugið að sumir tenglarnir á þessu svæði opna ensku útgáfuna af PokerStars
í nýjum glugga.