Mótareglur

Þessar reglur gilda um mót sem spiluð eru á PokerStars. Aðrar reglur sem gilda í heild yfir spilun á síðunni er hægt að nálgast hér , og sérreglur sem gilda um hringleiki („ring games“) er hægt að lesa hér .

Mótsreglunum sem er útlistað hér er ætlað að styðja við og styrkja þjónustuskilmálana en er ekki ætlað að koma í stað þeirra. Ef upp kemur misræmi á milli Mótsreglnanna og Þjónustuskilmálanna , skulu þjónustuskilmálarnir hafa meira gildi.

Athugið: Reglur 5, 14 og 15 gilda eingöngu um mót sem notast við blindfé („blinds“) og/eða gjafarahnapp („dealer button“) .

Almennt

PokerStars mun, undir öllum kringumstæðum, hafa hagsmuni leiksins að leiðarljósi og mun fyrst og fremst leitast við að gæta sanngirni við ákvarðanatöku og úrlausn mála. Einstaka sinnum geta sérstakar ástæður komið upp sem kalla á að mál séu leyst af sanngirni fremur en samkvæmt tæknilegum túlkunum á reglunum.
Öll mót hefjast stundvíslega samkvæmt auglýstum tíma, eins og hann birtist í Mótsanddyrinu („Tournament Lobby“). PokerStars áskilur sér þó rétt til að fresta eða fella niður mót án frekari tilkynninga eða auglýsinga.
Mikilvægar upplýsingar varðandi hvert mót, þar með talin uppbygging blindra, tímalengd umferða, um endurkaup („rebuy“) og um hlé, er hægt að nálgast með því að smella á Mótsupplýsingahnapp, eða e. ‘Tournament Info’ í mótsanddyrinu . PokerStars áskilur sér rétt til að breyta hverjum þeim breytum er við koma móti hvernær sem er, án nokkurrar tilkynningar eða auglýsingar þar um.

Skipað er í sæti við borð í mótinu af handahófi. Ekki er heimilt að skipta um sæti.
Hnappurinn mun verða settur við Sæti 1 til að hefja leik.
Eitt boð („bet“) og þrjár hækkanir eru leyfðar í mótum með Föstu-takmarki („Fixed-limit“). Engin takmörk eru á leyfðum fjölda hækkana í Pott-takmarks („Pot-limit“) og Án-takmarks („No-limit“) mótum.
Verðlaunum verður úthlutað samkvæmt því sem tilkynnt er um í Mótsanddyri nema leikmenn nái samkomulagi um annað (sjá Reglu 23) eða ef mótið er fellt niður (sjá stefnuyfirlýsingu PokerStars um frestanir móta ). Sú uppbygging er gildir um skiptingu verðlauna er misjöfn og breytist hvert sinn, allt eftir fjölda þátttakenda og fjölda leikmanna við hvert borð. Lokaskipting verðlauna er ekki ljós fyrr en allri skráningu er lokið og endurkaupa- og viðbótatímabilum („rebuy“ og „add-on“) er lokið.
Til þess að geta nýtt þér endurkaup í mót þarftu að eiga umræddar upphæðir tiltækar á reikningi þínum til brúks. Leikmenn sem ekki eiga næga innistæðu á reikningi sínum falla úr leik. Upphæðir sem leikmaður gæti verið með í leik í öðru móti, eða átt í gjaldmiðli sem er annar en skráningargjaldmiðill móts, eru ekki taldar lausar til brúks.
Síðbúin skráning : Síðbúin skráning („Late Registration“) er yfirleitt í gildi í um 20 mínútur eftir að mót hefst. Skráningu mun þó verða hætt og lokað ef öll borð sem úthlutað hefur verið til mótsins eru orðin full þegar sest er til leiks. Í flestum mótum gildir það að lokað er fyrir skráningu nýrra leikmanna þegar fyrsti þátttakandinn fellur úr leik.

Í sumum viðburðum er boðið upp á svokallaða Framlengda skráningu, en þar er opið fyrir skráningar nýrra leikmanna þó einhver sé þegar fallinn úr leik. Framlengdri skráningu er lokið þegar tilteknum tímamörkum sem henni hafa verið sett er náð, eða ef öll sæti sem úthlutað hefur verið til mótsins eru fullskipuð. Ef framlengd skráning er í boði í tiltekið mót þá er þau tímamörk sem um hana gilda að finna í glugganum Mótsupplýsingar („Tournament Info“) , sem hægt er að opna í anddyri mótsins.
Afskráning : Í flestum mótum er afskráning leikmanna heimil þar til einungis örfáum mínútum áður en mót hefst. Tímamörk sem gilda um afskráningu er að finna í glugganum Mótsupplýsingar („Tournament Info“) í hverju móti fyrir sig og geta verið misjöfn á milli einstakra móta og viðburða. Leikmönnum, sem hafa unnið sér sæti á móti í gegnum inngöngumót („satellite“), er heimilt að afskrá sig úr móti ef það er almennt heimilt; hinsvegar athugið að þeir munu eingöngu fá endurgreitt í svokölluðum mótapeningum („Tournament Money“) eða „T-Money, eins og við köllum þá, eða þá fá annan aðgöngumiða í mót í skiptum fyrir sæti sitt í tilteknu móti. Mótapeninga, eða T-Money , er svo hægt að nota til að greiða skráningargjöld í önnur mót á PokerStars. Sjáið frekari upplýsingar um „ T-Money“ mótapeninga hér .

Athugið: Skráningar- og afskráningartímamörk eru misjöfn, eftir mismunandi mótum. Ekki er hægt að skrá sig úr öllum mótum – slík mót eru yfirleitt auðkennd með upplýsingum þar að lútandi við skráningu. Skoðið vel anddyri móts sem og mótsupplýsingagluggann fyrir frekari skráningarupplýsingar sem eru í gildi um hvert og eitt mót. PokerStars áskilur sér fullan rétt til að breyta tímamörkum sem gilda um skráningu og afskráningu án nokkurra tilkynninga þar um.

Útsláttur („Eliminations“)

Móti er lokið þegar einn leikmaður hefur sankað að sér öllum spilapeningum sem eru í leik; eða, einnig getur gilt sú regla að þegar jafnhá verðlaun eru í boði fyrir visst mörg sæti er mótinu lokið (til dæmis ef í boði eru 5 jafnhá verðlaun fyrir 5 efstu sætin, þá gæti mótinu lokið þegar 5 leikmenn eru eftir).
Ef tveir eða fleiri leikmenn eru slegnir út í sömu hönd mun sá leikmaður sem átti flesta spilapeninga við upphaf handarinnar enda ofar í mótinu en sá sem átti færri spilapeninga en hann, þegar höndin var gefin. Ef allir leikmennirnir sem slegnir voru út í einu áttu jafnháa upphæð spilapeninga skulu þeir allir enda í sama sæti mótsins og mun öllu verðlaunafé sem þeir eiga rétt á, sé það nokkuð, skipt jafnt á milli þeirra. Ef spilað er nú „hönd-fyrir-hönd“ (líkt og fjallað er um í Reglu 13) skulu þeir leikmenn sem slegnir eru út innan yfirstandandi handar teknir sem slegnir út á sama tíma, jafnvel þó þeir sitji við sitthvort borðið.
Á vissum mótsstigum (til dæmis þegar verðlaunafé hækkar verulega við útslátt einungis nokkurra leikmanna) og þegar í gangi er spilun á fleiri en einu borði í einu á mótinu, gildir svokallað hönd-fyrir-hönd fyrirkomulag. Það felur í sér að ef leikmenn á einu borði ljúka við að spila hönd á undan leikmönnum annars borðs, skulu þeir fyrrnefndu bíða með af hefja næstu hönd þar til yfirstandandi umferð er lokið á öllum borðum, sem enn eru með í mótinu, er lokið og þá má gefa í nýja hönd fyrir öll borð. Í hönd-fyrir-hönd spilun skal allur útsláttur leikmanna, sem verður á meðan samhæfð spilagjöf er í gangi hvort sem leikmenn sitji við sama borð eður ei, teljast fara fram á sama tíma. Þetta er gert til þess að auðveldara sé að raða mönnum í sæti mótsins af sem mestri sanngirni. Eftir að búið er að slá út leikmenn, sem taldir eru hafa verið slegnir út á sama tíma eftir þessari reglu, skal sætisröð hans ákvörðuð af staflanum sem viðkomandi hafði áður en höndin var gefin (líkt og fjallað er um í Reglu 12), en ekki eftir því hvor þeirra missti frá sér spilapeningana fyrr, því það er nú talið hafa gerst á sama tíma.
PokerStars styðst við svokallaða framgangshnappsreglu („forward-moving button rule“) í sínum mótum. Samkvæmt þeirri reglu skal enginn leikmaður sitja við hnappinn tvisvar í röð; þegar hönd er lokið skal hnappurinn færður áfram réttsælis. Þetta getur jafnframt falið í sér að við útslátt leikmanna gætu einhverjir sem enn sitja við borðið sloppið undan að greiða blindfé fyrir stóra eða litla-blinda einhverju sinni. Þesskonar uppákomur gerast af svo miklu handahófi að enginn leikmaður getur til lengdar hagnast umfram aðra og reglan telst því sanngjörnust gagnvart öllum leikmönnum.
Þegar einungis tveir leikmenn eru eftir skal sá sem situr við hnappinn leggja út fé fyrir litla-blind og skal hann einnig segja fyrst í upphafi gjaflotunnar („...act first on the opening round“).
Eftir því sem leikmenn eru slegnir út úr mótinu mun spilahugbúnaðurinn „brjóta upp“ borð til þess að jafna fjölda leikmanna við spilaborð og fylla í auð sæti, til að gæta jafnvægis á milli borða. Endurröðun leikmanna á ný borð, af borði sem hefur verið brotið upp, fer fram af handahófi og gæti því, þó það sé mjög sjaldgæft, orsakað að leikmaður sem færður er þurfi að leggja út fyrir stóra-blind oftar en einu sinni í röð. Einnig getur spilahugbúnaðurinn kosið að jafna fjölda leikmanna við borð (til að reyna að tryggja það að allir, eða flestir leikmenn, spili gegn jafn mörgum andstæðingum í einu) með því að færa einstaka leikmenn á milli borða. Þegar leikmaður er færður einn á milli borða, án þess að borðið hans hafi verið brotið upp, er þess gætt að setja hann við nýtt borð í sem líkasta stöðu/sætisröð og hann var í áður, miðað við fjarlægð frá blindum. Þegar nógu margir hafa verið slegnir út úr mótinu er lokaleikmannahópnum safnað öllum saman úrslitaborð, eða lokaborð svokallað.

Hlé

Áætlaðan tíma fyrir hlé í hverju móti er að finna í mótsupplýsingaglugganum (“Tournament Info”) sem hægt er að opna í anddyri mótsins. Leikmenn eru hvattir til að kynna sér upplýsingar um dagskrá hvers þess móts sem þeir ætla að taka þátt í þar sem hún getur verið misjöfn á milli móta, bæði hvað varða lengd og fjölda hléa. PokerStars miðar þó við tvær meginreglur um hlé:
1. Mót með samræmdum hléum eru send í hlé þegar klukkan er gengin 55 mínútur yfir heila-tímann. Til dæmis mun mót sem hefst klukkan 07:25 taka hlé 07:55, 08:55, 09:55 o.s.frv. á hverri klukkustund sem mótið stendur yfir og þar til því lýkur.
  
  Þessi mót má þekkja á því að í aðalanddyri stendur um mótið að það fari í hlé 55 mínútur yfir klukkutímann („55 minutes past the hour“), einnig stendur það í mótsupplýsingaglugganum og stundum einnig í skilaboðum í mótsanddyrinu.
  
  Í samskonar endurkaupsmótum þar sem viðbætur eru heimilar, mun aukahlé (vanalega 3 mínútur) verða tekið að loknu endurkaupstímabilinu, svo að leikmenn geti keypt þær viðbætur sem þeir vilja áður en haldið er lengra með mótið.
2. Önnur mót munu taka hlé frá leiknum með reglulegu millibili á meðan móti stendur. Til dæmis mun þannig mót, sem hefst klukkan 07:25 taka leikhlé að loknum hverjum klukkutíma mótsins. Í þessu tilfelli myndi fyrsta hlé hefjast klukkan 08:25.
Í öllum tilvikum mun hlé ekki hefjast fyrr en að aflokinni hönd á öllum borðum sem þegar er í spilun. Þetta getur þýtt að á sumum borðum muni hléið standa yfir aðeins lengur en á öðrum borðum.

Veitið því samt athygli að ekki er boðið upp á hlé í öllum mótum (til dæmis í ofur-hraðmótum („Hyper-turbo“), og í sumum Maður-á-mann („Heads-up“) og Einvígisviðburðum („Shootout-style“).

Sambandsrof og Setið hjá

Þegar tekið er þátt í móti skal leikmaður meðvitaður um að sambandsrof við Internetið getur orsakast af fjölmörgum ástæðum, svo sem vegna sambandsleysis á milli tölvu og vefþjóns, hæggengi, samband getur frosið eða samskiptavillur geta komið upp á milli tölvu notanda og Internetsins eða í tengibúnaði.
1. PokerStars ber ekki ábyrgð á neinu því sambandsrofi sem leikmaður gæti orðið fyrir, nema ef um er að ræða hrun vefþjóns okkar.
2. Þó að hver og einn leikmaður beri ábyrgð sjálfur á að halda tengingu við síðuna leggur PokerStars sig fram í þaula við að hlífa leikmönnum við vandræðum vegna sambandsrofs, sérstaklega á síðari stigum peningaspilamóta. Það gerist þannig að PokerStars úthlutar aukatíma til leikmanna sem verða fyrir sambandsrofi á þessum tíma. Reglur sem gilda um virkjun aukatíma vegna sambandsrofs, eða svokallaðs „ Disconnect Extra Time (DET)“ er hægt að kynna sér hér .
3. Ef leikmaður fellur á tíma í yfirstandandi hönd, hvort sem það er vegna sambandsrofs eða af öðrum orsökum, fær hönd sinni pakkað af hugbúnaðinum, nema ef hann getur valið að skoða („check“), þá mun hugbúnaðurinn velja það.
4. Ef leikmaður nær ekki að tengjast við borðið áður en gefið er í nýja hönd mun hann samt fá spil gefin og borga út blindfé og pottfé („blinds“ og „ante“) þegar við á. Engin regla bannar leikmanni að sitja hjá og mun leikmaður sem kýs að gera slíkt fá gefin spil og borga blind- og pottfé eins og aðrir. Engir tveir, eða fleiri, leikmenn mega gera með sér samkomulag um að sitja hjá samtímis, hvort heldur þeir sitji við sama borð, eða eru á sitthvoru borðinu.
5. Í einvígis- og maður-á-mann („shootout“ og „heads-up“) viðburðum gildir það, ef upp kemur að allir leikmenn við borð missa samband samtímis, eða ef þeir sitja allir hjá um langan tíma (yfirleitt miðað við um 250 hendur í peningaspilamótum), að mótið er leyst upp og fer leikmaðurinn sem þá á flesta spilapeninga áfram í næstu umferð.

Spjall

Athugið: Þessari reglu er ætlað að styðja við, en er ekki ætlað að koma í staðinn fyrir, Reglur um Spilasal , sem innihalda frekari upplýsingar um viðunandi og óviðunandi framkomu leikmanna á spjallinu.

Leikmenn, hvort sem þeir eru með í hönd eða ekki, mega ekki ræða um viðkomandi hönd fyrr en yfirstandandi umferð er lokið og allir hafa fengið að gera. Leikmenn skuldbinda sig til þess að vernda aðra leikmenn öllum stundum á meðan móti stendur. Ekki er heimilt að ræða hvaða spilum leikmenn hentu frá sér á hauginn, eða pökkuðu, né hvaða mögulegu hendur geti komið upp í stöðunni. Heimilt er að ávíta leikmann, eða refsa, sem sannarlega ræðir um yfirstandandi hönd í leik.

Athugið: Þessi regla er sett fram til að vernda hagsmuni þeirra leikmanna sem enn eru með í móti en eru hugsanlega ekki með í viðkomandi hönd. Vinsamlegast kynnið reglurnar okkar um Óleyfilegt spjall í mótum , þar sem dæmi eru gefin um ólíðandi framkomu og spjall. Sérstaklega skal tekið fram að þessi regla gildir ekki þar sem eingöngu tveir leikmenn eru eftir í viðkomandi móti eða þar sem mót er spilað sem maður-á mann.

Ósiðsamleg spilamennska

Póker er einstaklings-, en ekki liðaíþrótt. Poker. Hvert það spjall, eða sú aðgerð, sem talist getur miða að því að hjálpa einhverjum öðrum leikmanni er með öllu bannað. Ósiðsamleg spilamennska, eins og að spila mjúkt („soft-play“, að spila ekki eins stíft og gegn félaga sínum) og peningafarg („chip-dumping“, að tapa viljandi spilapeningum til félaga síns), má refsa með ávítum. Sem dæmi um slíkar ávítur eru upptaka spilapeninga og endurgreiðsla af reikningi hins brotlega/hinna brotlegu, sem og varanleg lokun reiknings viðkomandi.
Reglan er sú, með nokkrum undantekningum þó sem útlistaðar eru hér að neðan, að leikmaður má einungis spila á einum spilareikningi í móti og hann má ekki eftirláta öðrum leikmanni sæti sitt til spilunar í miðju móti. Brotum á þessari reglu má refsa með því að áminna leikmann og allt yfir í að annað hvort vísa leikmanni úr móti (og gera upptækan hluta, eða allan vinning hans), og yfir í að vísa leikmanni algjörlega frá því að spila aftur á PokerStars og loka reikningi hans.

Dæmi um tilvik, frávik og undantekningar frá þessari reglu, sem getið er hér að neðan, er ætlað að lýsa aðstæðum og alvarlegum atvikum sem upp geta komið ómeðvitað og eru ekki á valdi leikmanns.

Dæmi um það sem er ekki utan áhrifasviðs leikmanns og er því sem slík bannað er:

Að leggjast til svefns og eftirláta öðrum leikmanni að klára mótið.
Að hefja leik í móti og fara síðan í flugferð, eða í áður skipulagða ferð, og biðja einhvern annan að spila fyrir þig á meðan þú kemur þér á milli staða.
Að ákveða að gaman gæti verið að klára að spila „Sunday Million“ mótið heima hjá Nonna og biðja Nonna að spila fyrir þig í þessar 30 mínútur sem það tekur þig að komast heim til hans.
Þú og vinur þinn eruð að spila í sama mótinu. Þið semjið um það að ef hann fellur úr leik á undan þér þá muni hann taka við af þér og klára að spila mótið fyrir þig á þínum reikningi.
Maðurinn þinn er að heiman um helgina og eftirlætur þér lykilorðið að reikningnum sínum. Þú skráir þig svo inn, á bæði þinn reikning og hans reikning, og tekur þátt í sama mótinu með báða spilareikningana.
Þú hefur komist áfram á lokastig móts, þegar einungis leikið er enn á örfáum borðum og einhver býður þér ígildi peninga fyrir að fá sætið þitt. Þú tekur því boði og hann annaðhvort skráir sig inn á reikninginn þinn, eða þú klárar að spila mótið sjálfur eftir leiðbeiningum frá viðkomandi aðila.

Dæmi um aðstæður og uppákomur sem eru utan þíns valds og eru því leyfðar, að viðhöfðu samráði við vitni eða við nánari skoðun PokerStars á öllum málsatvikum eru:

Þrumuveður gengur yfir staðinn þar sem þú situr að spila og rafmagnslaust verður á svæðinu. Þú biður vin þinn að taka við á meðan þú gerir aðrar ráðstafanir til að geta haldið áfram að spila.
Barnið þitt snöggveikist og þú þarft að hraða ferð þinni á spítala vegna þess og þú biður vin þinn að taka við á meðan.
Þú situr heima hjá þér og ert að spila í móti þegar þú missir samband við netið, vegna bilunar hjá netþjónustuaðila þínum. Þú hringir í vin þinn og biður hann að taka við að spila á reikningnum þínum á meðan þú gerir aðrar ráðstafanir til að geta hafið spilun aftur.

Vandræði með Netþjón

Ef upp koma alvarlegar bilanir, eða hrun verður í netþjóni, munu hendur í spilun á öllum borðum verða reiknaðar aftur, þegar samband kemst á aftur á nýjan leik. Spilapeningastaða mun einnig verða endurstillt í þá stöðu sem hún var í upphafi handarinnar. Við sérstakar undantekningar, ef um alvarlega bilun er að ræða, gæti þurft að aflýsa móti og munu leikmenn fá bætur eftir því sem við á og nánar er fjallað um á síðunni Stefnuyfirlýsing PokerStars varðandi frestanir og aflýsingu móta .

Samkomulög („Deal Making“)

Almennt er heimilt að gera samkomulag á milli leikmanna í mótum á PokerStars, nema annað sé sérstaklega tekið fram í mótsanddyrinu.
1. Ef allir leikmenn sem eftir eru í móti ná samkomulagi um skiptingu verðlaunafés eftir sinni eigin aðferð mun PokerStars fallast á það og millifæra féð samkvæmt þeirri skiptingu að mótinu loknu og senda kvittun þar að lútandi til allra aðila samkomulagsins.
2. Ef allir leikmenn sammælast um að gera samkomulag þá þurfa þeir að senda tölvupóst á support@pokerstars.com með eftirfarandi upplýsingum í „subject“ línunni: ‘URGENT Tournament # (og númer viðkomandi móts sett hér) chop’ og þá mun starfsmaður PokerStars koma á borðið til að auðvelda og til að ganga frá samningum um skiptingu verðlaunanna. PokerStars getur ekki ábyrgst að starfsmaður sé laus strax og beðið er um, en mun reyna allt til þess að ekki verði frekari tafir en þurfa þykir.
3. Allir leikmenn skulu hafa gefið til kynna að þeir vilji taka þátt í samkomulaginu áður en PokerStars gerir hlé á mótinu til að ganga frá því.
4. PokerStars tekur ekki þátt í samningsferlinu, en mun reyna að miðla málum til að allir geti verið fullvissir um að samkomulagið sé fyllilega samþykkt af öllum aðilum áður en millifærslur fara fram, eða vinningar eru greiddir út, samkvæmt samkomulaginu sem um ræðir.
5. PokerStars áskilur sér rétt til að krefjast þess að hluti verðlaunafés sé „skilinn eftir á borðinu“ sem hluti af verðlaunum fyrir fyrsta sæti í mótinu. Sá hluti peninganna sem farið er fram á að skilinn sé eftir á borðinu er yfirleitt ekki meiri en 5% af heildarverðlaunafé mótsins. Sá peningur sem skilja þarf eftir, ef það er þá nokkur, á að tryggja það að niðurstöður mótsins séu sannarlega réttlátar með óyggjandi hætti og sú upphæð sem um ræðir á að vera hægt að sjá í skilaboðum í anddyri mótsins.
6. Það er á ábyrgð leikmanna sjálfra að komast að bindandi samkomulagi. Ef enginn starfsmanna PokerStars er kominn til að hafa umsjón með samningum þá eru gögn af spjallinu ekki endilega gild sem stuðningur við samkomulag. PokerStars getur hinsvegar kosið af framfylgja því samkomulagi sem þar kemur fram ef það er sannarlega samþykkt af öllum leikmönnum eða aðilum að samkomulaginu.
7. Einungis leikmenn sem eru þátttakendur á lokaborðinu geta samið um skiptingu peninga og samkomulagið verður að ná yfir alla þá sem enn eru með í mótinu.
8. Einungis samkomulögum úr peningaspilsleikjum („real money“) er framfylgt.
9. Ekki er heimilt að semja um skiptingu stiga í stigatöflum leikmanna („Tournament Leader Board“) né um Sest & spilað („Sit & Go“) stig. Slíkt getur orsakað niðurfellingu allra stiga úr stigatöflum hjá þeim leikmönnum sem eru aðilar að slíkum samkomulögum.

Höfuðfé („Bounties“)

Í sumum mótum þar sem sérstakt höfuðfés fyrirkomulag gildir, er um að ræða sjóð/pening sem settur er til höfuðs ákveðnum leikmönnum í mótinu. Sá leikmaður sem slær svo út viðkomandi leikmann vinnur höfuðféð, eða þann sjóð sem settur var honum til höfuðs.

Þrennskonar útfærslur eru á mótum með Höfuðfé:

Útsláttakeppni („Knockout“): Fé er lagt til höfuðs allra þátttakenda. Þú færð pening fyrir hvern þann sem þú slærð út úr mótinu.

„Team-Pro“ sjóður: Hér er fé lagt til höfuðs öllum meðlimum í „Team PokerStars Pro“ sem taka þátt í mótinu.

Fastur Sjóður („Fixed Bounty“): Fé er lagt til höfuðs ákveðnum leikmanni í móti.

Sjóðurinn er veittur þeim leikmanni sem vinnur viðkomandi pott, þar sem leikmaður með með fé sér til höfuðs er með allt-í pottinum (er „all-in“). Viðkomandi pottur merkir hér annað hvort aðalpott, eða hvern þann síðu-pott, sem sá sem höfuðféð er á, hefur sett alla sína peninga í og er sleginn út.

Til dæmis:

Daniel (100 spilapeningar), Barry (200 spilapeningar), Vicky (400 spilapeningar) og Julian (1000 spilapeningar), eru öll með í hönd í móti Án-takmarks.

Daniel setur allt-í og Barry, Vicky og Julian jafna („call“). Sá pottur sem Daniel nú spilar um er „aðalpotturinn“. Áframhaldandi boð fara svo í síðupott 1, því þau fara fram „til hliðar við“ aðalpottinn.

Barry fer svo með allt-í og Vicky og Julian jafna. Áframhaldandi boð hjá Vicky og Julian fara svo í enn annan síðupott, númer 2.

Vicky setur allt-í og Julian sér það að jöfnu („calls“).

Á hólminum („showdown“) sýnir Barry að hann er með bestu höndina. Hann vinnur því síðupott 1 og aðalpottinn og slær þar með út Daniel og fær sjóðinn sem lagður var honum til höfuðs.

Julian sýnir að hann er með næst-bestu höndina og vinnur því síðupott 2 og slær Vicky út og fær höfuðféð sem var á henni.

Takið eftir því að þó að Barry hafi verið með bestu höndina af öllum að þá átti hann ekki eins mikið af spilapeningum og Vicky og getur þessvegna ekki talist hafa slegið hana út úr mótinu. Hinsvegar átti Julian nóg af spilapeningum til að gera það og vinnur þess vegna höfuðféð sem var á henni.
Í pókerafbrygðum þar sem spilað er um tvískipta potta, eins og til dæmis í Omaha Hi/Lo og Stud /Hi/Lo, fellur höfuðféð alltaf til þess sem er með hæstu höndina. Það er vegna þess að almennt getur leikmaður ekki verið sleginn út af lágri hönd í leiknum.
Ef upp kemur sú staða að tveir leikmenn sína jafna sigurhönd þegar á hólminn er komið og skipta þarf pottinum (eða þegar pottur er tvískiptur eins og fjallað er um í Reglu 25 og skipta þarf háa hluta pottsins), skiptist höfuðféð einnig jafnt á milli viðkomandi leikmannanna sem voru með jafna sigurhönd. Ef útaf/eftir standa stök „cent“ þá fær sá leikmaður sem situr fyrr í röðinni þau.
Ef leikmaður með fé sér til höfuðs vinnur mótið:
1. Í Útsláttarkeppnismóti fær leikmaðurinn að halda eftir höfuðfénu sjálfur.
2. Í „Team Pro“ sjóðsmóti, og í móti með Föstum-sjóð, sem „Team-Pro“ liðsmaður eða leikmaður með Fastan-sjóð vinnur hlýtur enginn höfuðféð.
Ef höfuðfé hefur verið auglýst að liggi á ákveðnum leikmanni, sem svo ekki skráir sig til leiks, vinnur enginn höfuðfé hans.
Leikmenn mega ekki semja um sín í milli um að slá einhvern ákveðinn leikmann út til þess að vinna höfuðféð sem hvílir á honum. Slík samkomulög varða hagsmunaárekstrum og eru grundvöllur til brottvísunar leikmanns eða leikmanna úr mótinu sem uppvísir eru að slíku. Til að kynna sér þær reglur frekar vísum við í Reglur 19 og 20 og á síðuna okkar um óleyfilegt spjall í mótum .

Ef upp kemur ágreiningur, eða deilur, áskilja stjórnendur PokerStars sér fullan rétt til að úrskurða um málin og er sá úrskurður endanlegur.

Vinsamlegast athugið að sumir tenglanna á þessari síðu opna enska útgáfu af síðu PokerStars í nýjum glugga.